Hri kai pakhat hmu leh

Serchhip TrueNat Laboratory atangin Zirtawpni khan COVID-19 hri kai mi pakhat hmuh belh leh niin Serchhip District-a hri kai hmuhchhuah chu mi 29 an tling ta.

Serchhip CMO Office atanga thu kan dawn danin Zirtawpni khan Ser-chhip TrueNat Laboratory-ah Sample 13 enfiah leh niin heng atang hian COVID-19 hri kai pakhat hmuhchhuah a ni a, he hri kai hmuhchhuah hi mipa kum 40 mi niin Prem Kram Infracon Company hnuaia thawk a ni a, Sept. 9, 2020 khan Nagaland atanga rawn kalin inkhunghranna hmuna awmlai a ni a, hri a kai tih hmuhchhuah a nih rual hian Chhiahtlang Tourist Lodge CCC-ah dahluh nghal a ni. Zirtawpni vek khan Rapid Antigen Test hmangin Serchhip District-ah Sample 6 enfiah a nih bakah Inrinni khan Sample 20 enfiah leh a ni bawk a, hri kai hmuhchhuah erawh an awm lo thung.

Heti hian Serchhip District-ah COVID-19 hri kai hmuhchhuah chu mi 29 an tling ta a, an zinga mi 14 te chu enkawl dam ni tawhin tunah hian hri kai enkawllai mi 15 an awm mek a, Serchhip District-ah hian hri kai hmuhchhuah atanga zaa 48.27 te chu enkawl dam ni tawhin nunna chan an la awmlo a ni.