Zirlai ten zirtirtu an pan theihna tur ruahmanin Vawiin a\angin H/S leh HSS zirlaite School-ah kal thei

School Education Minister, Lalchhandama Ralte chuan sawrkar laipuiin ramchhunga inkharkhip a thlahdul telh telh a, zirlaite hmakhua ngaiin an mamawhna zawnah zirtirtute an pan theih dan tur ruahmanna a siam a, he ruahmanna hi Mizoram-ah pawh a theih chinah hman a ni dawn tih a sawi.

Rampum-a inkharkhip kalpui anih hnua zirna In te hawn leh chungchangah School Education Minister, Lalchhandama Ralte chuan nakum zirna kum tawpah pawl 10 leh pawl 12 zirlai ten Board Exam an hmachhawn tho a ngaih dawn avangin, nu leh pa leh zirtirtute'n an remtih phawt chuan sawrkar laipui ruahmanna hi kalpui a ni ang, a ti a. Hemi tur hian School hrang hrang te pawhin hma an la thei tih a sawi a. Hetihlai hian pawl 9 hnuailam zirna kalpui dan tur erawh ruahmanna siam a la ni lo tih sawiin, a tahtawla thutlukna siam chhoh a ni ang, a ti bawk.

Sawrkar Laipui-a Ministry of Home Affairs chuan tun thla ni 21 hnuah School, College, Educational leh Coaching Institution te kal dan tur a duang a, hemi ang hian Mizoram chhunga Containment area pawnah chuan High School leh Higher Secondary School zirlaite chu Vawiin, September 21 (Thawh\anni) atangin anmahni duh thuin School-ah an kal thei dawn tih Inrinni khan Disaster Management & Rehabilitation Department chuan hriattirna tichhuakin a tarlang a, hri kai darh nasatna hmun pawn lamah chuan pawl 9 a\anga pawl 12 zirlaite chu anmahni duhthlanna in an zirtirtute rawn turin School an kal thei tawh dawn tih tarlan a ni a, hemi tur hian nu leh pa-te phalna ziakin School-in an la tur a nih thu tarlan a ni bawk.

School zirtirtute leh thawktu dangte chu Online Teaching/Counseling pe turin a zatve aia tam, mi 10 chin kal phal a ni bawk a, Zirna In-a kal zawng zawng hian COVID-19 laka invenna atana sawrkar laipui in kaihhruaina a siamte zawm tur a ni thung.

Industrial Training Institutes (ITI), National Skill Development Corporation emaw, Central Sawrkar hnuaia Ministry dang emaw, State sawrkar hnuaia Short Term Training Centre anga inziaklut te chu Skill/ Entrepreneurship Training neih phalsak an nih thu DM&R hriattirna tih chhuah chuan a tarlang bawk.

Comments

Chhiar Hlawhte