Latest News

WATSAN Committe training

PHE Serchhip WATSAN Division hnuaia WATSAN Committee te tana Training chu nimin khan Serchhip P&E Veng YMA Hall-ah neih leha zawhfel a ni a, he training-ah hian Serchhip Sub-Division huamchhunga WATSAN Committee Member te an tel a ni. Hemi hmalam hian East Lungdar Sub-Division huamchhung ami te tan East Lungdar-ah leh Tlungvel Sub-Division huamchhung ami te tan Tlungvel-ah te neih a ni tawh a ni.

Mizoram MP in ngenna thlen

Mizoram Lok Sabha MP, C. Lalrosanga chuan niminpiah khan Union Defence Minister, Rajnath Singh chu hmuin Mizoram kawng chungchang a sawipui.

Mizoram Lok Sabha MP, C. Lalrosanga hian niminpiah khan Parliament House-ah Defence Minister, Rajnath Singh chu hmuin Mizoram kawng enkawltu, Border Roads Organisation (BRO) te ngai pawimawh lehzual turin a ngen a. Ramri kawng laih leh enkawlna atana BRO sum mamawhte ngai pawimawh turin a ngen bawk. Mizoram chhim tawp lam, Tuipang atanga Lungpuk thlenga BRTF kawng enkawl lai, kumin-a amah ngeiin a lo endik tawh chu a tlang that theih nan Priority List-ah dahchhoh a, ngaih pawimawh a tul thu a sawi a. Hnah-thial-Sangau-Saiha kawngah Chhimtuipui lui chunga Lei dawh turin a ngen bawk a ni.

Heng bakah hian Lok Sabha MP chuan Union Minister hnenah hian lehkha thehlutin Kawnpui atanga Durtlang kaltlanga Aizawl panna kawng chu National Highway Double Lane a dah turin a ngen bawk a. Kawlchaw atanga Phura kaltlanga Tawngkawlawng kawng leh Thingsai - Bualpui - Saisih - Pang khua - Sangau BRO kawngte pawh dah pawimawh lehzual turin a ngen bawk.

Comments

Chhiar Hlawhte