NH. 54 atanga Vaivakawn kawng siam hna thawk dawn

I&PR Department changtu Minister leh bialtu MLA ni bawk, Lalruatkima chuan nimin khan NH. 54 atanga Vaivakawn panna tur kawng RCC concrete a siam tur chu a hmunah a enfiah.

He hunah hian Minister chuan tunhma lam atang tawha NH. 54 Hunthar lei tlahniam avanga kawng tlan tlang theihloh a awmfo chu COVID-19 avanga sum harsa tak chung pawhin PWD changtu Chief Minister, Zoramthanga'n a ngaihpawimawh avangin siam tura hmalak anih thu a sawi a. Mimal ram engemawchen lak hek ngaite pawh khawtlang hruaitute nena enfiah niin, kan eibar chawkluhna kawng pawimawh tak khuarel chhiatna thleng thin avanga harsatna kan tawh thin tih zia awm anih theihna tura mimal ram petute chungah lawmthu a sawi bawk.

NH 54 atanga kawng helna siam thar tur hi PWD in an enkawl dawn a, kawng hi metre 3.3 a zau tur niin kawng thui zawng hi metre 330 vela thui tur a ni dawn a, sum ruahman ang chuan cheng nuai 166 chuang niin hnathawh tan atanga thla 6 chhunga zawh tur ani dawn a ni.

Comments

Chhiar Hlawhte