Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Farmer Mela neih a ni

Serchhip District Agriculture Office buatsaihin nimin khan East Lungdar Tuipui Zau-ah Soil Health Card Scheme (2019-2020) hnuaiah 'Farmer Mela' hman a ni a, he hun hi Serchhip DAO, C. Lalnithanga chuan a hmanpui a ni. He Mela-ah hian Serchhip DAO Office-a AEO, Martin Zohmingliana chuan buh leh thlai tharna kawnga leitha hman leh hmanloh in hlawk hleih dan leh hlawk zawk a buh leh thlai tharchhuah zel anih theih nan loneituten dik leh thianghlim leh awmze nei zawk a fertilizers hman dan te a zirtir bawk a ni.

Comments

Popular News (Last 30 Days)