COVID-19 hri kai hmuh belh

/

Niminpiah khan Serchhip District-ah CO-VID-19 hri kai mi pakhat hmuhchhuah leh niin Serchhip District-a hri kai hmuhchhuah zawng zawng chu mi 36 an tling tawh.

Serchhip CMO Office atanga thu kan dawn danin niminpiah khan Serchhip District-ah Rapid Antigen Test hmangin Sample 31 enfiah leh niin heng atang hian COVID-19 hri kai mi pakhat hmuh a ni a, he hri kai hmuhchhuah hi BSF Sipai kum 51-a upa niin Uttar Pradesh atanga tun thla ni 20-a rawn kir kha a ni a, Serchhip District a rawn thlen hnu hian Marian H/S-a BSF Sipai tana inkhung-hranna hmun siam-ah dahluh nghal niin niminpiah-a Sample enfiah a nih hnuah hri a kai tih hi hmuh-chhuah niin Nursing School CCC-ah dahluh nghal a ni.

Heti hian nimin thleng khan Serchhip District-ah COVID-19 hri kai hmuhchhuah chu 36 an tling ta a, an zinga mi 16 te chu enkawl dam ni tawhin tunah hian hri kai enkawllai 20 an la awm mek a. District pawnlam atanga hri kai enkawl tur rawn dah te nen Serchhip District-ah hian hri kai enkawllai mi 69 awm mekin an zinga 64 te chu BSF Sipai, Nursing School CCC-ah enkawl mek te an ni a, midang 5 hi Chhiah-tlang Tourist Lodge CCC-a dah te an ni thung.

Serchhip District chhunga TrueNat Laboratory-a Sample enfiah tur 51 zingah niminpiah khan Sample 30 te chu enfiah hman niin nimin khan Sample dang 21 te chu enfiah leh a nih thu kan thudawnna chuan a tarlang a, heng Sample enfiah zinga a tam ber te hi Covid Care Centre (CCC)-a awmlai te Sample niin nizan khan an result pawh hriat kim theih beisei a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »