Sample enfiah chhunzawm

Zonuna Kawlni /

Nimin khan Serchhip-ah Sample za chuang lak niin Vawiin-ah result hriat kim theih beisei a ni.

Serchhip CMO Office atanga thu kan dawn danin nimin khan Serchhip District chhunga hri kai enkawl mek leh Inkhunghranna hmun hrang hranga awm mek te Sample lak hna thawh leh a ni a, he hunah hian COVID Care Centre (CCC)-a awm mek mi 51 te Sample chu TrueNat Laboratory-a enfiah tura lak niin inkhunghranna hmun hrang hranga awm mek mi 63 sample pawh Rapid Antigen Test hmanga enfiah tura lak a ni bawk a, Rapid Antigen Test-a enfiah turte Sample hi nizan khan hriat theih beisei niin CCC-a awm mek te Sample hi Vawiin-ah enfiah a ni bawk anga, CCC-a awm mek te hi hri lakah an fihlim a nih chuan anmahni enkawlna hmun atanga chhuahtir theih an ni tawh dawn a ni.

Tun dinhmunah Serchhip District-ah COVID-19 hri kai enkawllai mi 64 an la awm mek a, niminpiah khan Rapid Antigen Test (RAT) hmangin Sample 7 enfiah niin hri kai hmuh thar an awm lova, Serchhip District-a hri kai enkawl mek te hi Nursing School CCC-ah mi 58 leh Chhiahtlang Tourist Lodge CCC-ah mi 8 te an ni. Serchhip District-ah hian hri leng avanga inkhunghrang mi 171 an la awm mek thung a, heng mite hi sawrkar hmunhma hmun 8-a inkhung-hrang mi 159 leh In lama inkhunghrang mi 12 te an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »