Zirna In hawn tan a ni ta

Mizoram sawrkar in ruahmanna a siam angin Serchhip District chhung khaw thenkhat a High School leh Higher Secondary School te chuan nimin atang khan an School te hawngin zirlai te rawn theih turin Zirtirtute an awm leh ta.

School Education Minister, Lalchhandama Ralte leh Education Department hotute thukhawm in Mizo-ram-a School te hawn an remtih angin Serchhip khawpui chhunga High School leh Higher Secondary School thenkhat te chu hawn niin, heng zirna In hrang hrangah te hian sawrkar in ruahmanna a siam angin an School building te chu dam-dawi-a kah thianghlim a nih bakah zirlai naupangte hi a huho-a kal vek lovin Class kal tur bik te insiamin sawrkar in kaihhruaina a siam hrang hrangte chu an zawm tha viau niin a lang.

Serchhip khawpui chhunga High School leh Higher Secondary School te bakah hian East Lungdar leh Bungtlang khua ah te pawh zirna In te hi hawn tan a ni bawk nia thudawn a ni.

Comments

Chhiar Hlawhte