Hri kai leh dam thar awmlo

Darkar 24 kalta chhung khan Serchhip District-ah COVID-19 hri kai hmuhchhuah thar leh enkawl dam an awmlo.

Serchhip CMO Office atanga thu kan dawn danin Serchhip District-ah hian niminpiah khan Rapid Antigen Test hmangin Sample 4 enfiah niin COVID-19 hri kai hmuh-chhuah thar an awm lova, heti hian nimin thleng khan Serchhip District-ah hian COVID-19 hri kai enkawllai mi 64 an awm mek a, heng zinga 58 te chu BSF Sipai, Nursing School CCC-a enkawl mek te an ni a, midang 6 te chu Chhiahtlang Tourist Lodge CCC-a awm an ni thung.

Tun dinhmunah Serchhip District-ah hri leng avanga inkhunghrang mi 165 an la awm mek a, heng zinga mi 159 te chu sawrkar hmun hrang hranga inkhunghrang 8-a inkhunghrang te an ni a, In lama inkhunghrang mi 6 an la awm mek bawk a ni. State pawn atanga rawn haw te inkhunghranna atana hman, Marian H/S chu Community Quarantine Centre atangin Govt. Quarantine Facility-ah thlak a ni a, hei vang hian tun dinhmun ah Serchhip District-ah Community Quarantine Centre hi a awm tawh rihlo bawk a ni.

Comments

Chhiar Hlawhte