High Court Judge ten District Jail an tlawh

/

Serchhip-a rawn kal Gauhati High Court-a Judge, Michael Zothankhuma leh Gauhati High Court-a Judge leh Portfolio Judge for Serchhip District ni bawk, Justice Nelson Sailo te chuan nimin khan Serchhip District Jail tlawhin Jail tang te leh thawktute an kawm.

Heng Serchhip District Jail tlawhtu Gauhati High Court Judge te hi Serchhip District Jail Superintendent, Laldingliana Chinzah leh a thawhpui ten lo dawngsawngin Guard of Honours pek an nih hnuah District Jail Ward hrang hrang an fangkual a, Serchhip District Jail enkawltute hnathawh dan chu tha an tih thu leh lawmawm an tih thu sawiin, District Jail fai taka enkawl a ni chu lawmawm an tih thu an sawi bawk.

Hemi hnu hian District Jail Meeting Hall-ah Jail tang te nen inkawmna neiin Jail tang te hian harsatna an neih te lo thlenin heng te hi an ngaihthlak sak hnuah chinfel nghal theih te chu chinfel sak nghal an ni a. Jail tang te hnenah hian Facemasks leh Hand Sanitizer bakah eitur chi hrang hrang leh infiamna hmanrua te an pe a, an chawhmeh leina tur Rs. 4000/- an hlan bawk. Tun dinhmunah Serchhip District Jail-ah hian Jail tang mi 43 an awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »