Leihnuai che avanga In chhia Minister in tlawh

Information & Public Relations Minister, Lalruatkima chuan nimin zing khan Aizawl Vaivakawn leh Hunthar inkara leihnuai che avanga chenna In chhia te tlawhin khawtlang hruaitute nen hmalak dan tur an enfiah.

Minister leh Aizawl West-II Bialtu MLA ni bawk, Lalruatkima chuan khuarel chhiatna avanga mahni In leh lo chan ta-te chu a tawrhpui hle tih sawiin, sawrkarin a theih ang angin tuamdam leh chhiatna thleng zel tur venhim dan tur a ngaihtuah tih a sawi a, tunah hian chhungkua 19 te chu an inthiarchhuak tawh tih sawiin, sawrkarin thupek alo chhuah tawh angin chenna In pathum chu thiah leh tura ruahman a ni tih a sawi bawk.

Minister chuan vantlang kawng zauh chungchang ah sawrkarin harsatna an tawk tih sawiin, vantlang hmun humhim leh zah chungchangah mintin ten kan mawhphurhna ah dah ila a duh tih a sawi a, In hmunlo ram theh chungchangah pawh Green Area te pawh dah tawh turin House Site Plot kan neih apiang-ah ruahmanna siam a ni, a ti a. Kawngpui zauh chung-chang ah kawng kawi zingzum lai tan zawnga kawng lak hek anih in remchang zawnga lo neih tum an awm thin a, chungte pawh chu Revenue Department chuan mimal hnenah pekchhuah a remti dawnlo tih a sawi bawk.