CAB dodaltu Congress a ni - Lal Thanhawla

Mizoram Pradesh Congress Committee (MPCC) President, Lal Thanhawla chuan Citizenship Amendment Bill dodaltu chu Congress Party an nih thu a sawi.

Nimin a Serchhip rawn tlawhtu MPCC President, Lal Thanhawla hian nimin vek khan Bukpui-a P&E Rest House-ah an Party mipui kalkhawmte hmaah thu sawiin Prime Minister, Modi kaihhruai BJP sawrkar in kum 2016 a\ang khan Citizenship Act 1955 Amend tumin a rawn kalpui thut tih a sawi a, “Keini Congress Party chuan sakhuana behchhana Hindu sakhaw betute tana ham\hatna leh thlavang hauhna a ni tih leh sakhuana kaihhnawih thila India Citizenship nih theihna hi \ha kan ti lo a. Hei hian India Constitution a kalh tiin All India Congress Committee angin kan dodal nghal a ni,” a ti a. Lok Sabha-a sawihona hmasa berah pawh Congress MP ten dodalna an siam nghal tih sawiin, “Kan dodalna vangin zirchiang hmasa tur Joint Parliamentary Committee (JPC) din chhoh a ngaih phah a. A bik takin Mizoram CM ka nihna leh Mizoram Congress sawrkarin a duhloh thu ziakin ka thlen a, India ram Chief Minister zinga dodalna ziak hmasa ber ka ni hial awm e,” a ti. MPCC President chuan he Bill hi dang turin Mizoram MP te nen an sawiho zel tih a sawiin, “Lok Sabha ah chuan kan dangbet zo ta lo a. Rajya Sabha chhunga Pass tuma an putluh tum pawh hi pulut lo tur leh an putluh pawha paihtlak ngei tumin \an kan la,” a ti bawk.