Serchhip-ah Loan Camp neiin Loan semchhuah a ni

Nimin khan Serchhip-ah Loan Camp, Mega MSME Campaign neih a ni a, he hun hi Serchhip District Bawrhsap, Sangchhin Chinzah chuan hmanpuiin Loan hrang hrang semchhuah nghal a ni.
Serchhip DC’s Conference Hall-a Loan Camp, Mega MSME Campaign neih ah hian Serchhip District Bawrhsap, Sangchhin Chinzah chuan Bank thuneituten duhsak taka Serchhip District mipuite atana hetiang hun an buatsaih chu lawm-awm a tih thu leh mipuite pawhin lawm nachang kan hriat a \ul thu a sawi a. Mipuite hian ‘Loan kan puk chuan rulh leh ngei tur a ni’ tih kan hriat reng a \ul thu pawh sawiin, kan puk nachhan ang ngeia dik taka hmanga tura chahin, mahni dinhmun insiam \hatna atana hmang thei ngei turin duhsakna a hlan bawk.
He hunah hian MUDRA, PMEGP leh UD&PA Department, DAY-NULM hnuaia SEP Loan te chu Sanction Order sem niin, UD&PA hnuai ami vek, Street Vendors License pawh pekchhuah nghal a ni bawk. He hunah hian Aizawl lam a\angin Bank hotu lian te bakah DAY-NULM Serchhip hnuaia Self Help Group hrang hrangte leh Bank hrang hranga beneficiary te an tel a ni.

Comments

Popular posts from this blog

PAN CARD an tih teh fo hi - Laldinpuia