BJP-in an ka an hup avangin MNF an che ngam lo - Hawla

MPCC President, Lal Thanhawla chuan Mizoram a sawrkar thar, MNF sawrkar chu BJP in an ka an hup tlat avangin an che ngam lo tih sawiin, CAB-2016 chungchangah pawh Mizoram mipui beisei an pha lo hle tih nimin a Aizawl Congress Bhavan Political session-ah a sawi a.

India ramah BJP nasa takin an tlahniam mek tih pawh sawiin, “State tam takah an thawhpui ten an bansan zel a. Chutih laiin sum leh paiah an buai loh avangin man beh theih tam tak an la awm bawk. Mizoram-ah ngei pawh nasa takin MNF an vur a, Mizoram State BJP hruaitute thik khawpin an vur a ni,” a ti bawk.

Chief Minister hlui, Lal Thanhawla chuan MNF sawrkar thar hmalakna \ha tak takte chu Congress sawrkar hmalakna an chhunzawmna vek, Congress sawrkar sum dah sa vek a ni tih pawh sawiin, “Chutih laiin MNF chuan an ze hlui an la sim lo a, Congress sawrkarin sum ren chem taka a hman \hin, a hman bang tam tak a hnutchhiahte pawh an hmang pawp pawp a. Hetiang taka sum hman an huai hi Finance lam mithiam tam takin mak an ti a, BJP lam nen intiamna ruk an nei em ni tih ngaihtuah tham tak a ni,” a ti bawk.

Zu chu \ha an tih avanga zuar an nih loh thu leh Mizo tluka zu in thiam lo leh buaipui hnam an awm lo pawh sawiin Lal Thanhawla chuan, kum 2/3 a kal hnu kha chuan Zu in \hinte pawhin an thiam sawt thu leh kan buaipui dan pawh a nep sawt hle tih sawiin, “Amaherawh chu, Thlohpui rorel ang maiin a bul a\angin kan buaipui leh dawn ta a ni a, a pawi hle a ni,” a ti bawk.