State Level Fire Prevention Week hawnna nei

Health Minister, Dr. R. Lalthangliana chuan State Level Fire Prevention Week hawnna inkhawm nimin a Synod Conference Centre-a neih chu khuallian niin a hmanpui.
State Level Fire Prevention Week hawnna hunah hian Dr. R. Lalthangliana chuan hriselna leh Environment humhalh nana kawng pawimawh 3 inang a awma a hriat thu sawiin, chung chu - invenna (preventive), tihdam lehna (curative) leh tihchangtlun (promotional) a ni tih a sawi a. Chung zinga pawimawh ber chu inven lawk a nih thu sawiin, Mizoram chu Mizote ram tana Pathian in ruat a ni a, hei lo hi ram dang a pe lova, chuvangin tatu rilru tak tak nena mawhphurhna lak ngamna ‘economic nationalism’ hi Mizo rilruah tuh a pawimawh hle a, hei hian sawrkar pawh a khalh ngil mai dawn a ni, a ti bawk. Forest Suvey of India Report (2017) chuan Mizoram-a Forest area 531 sqkms hloh belh a nih thu a tarlang chu a vanduaithlak tih Health Minister chuan sawiin, India ramchhunga lui lian 90% tui chu bawlhhlawh ‘polluted’ a ni tawh tih a sawi bawk.
Kumin Fire Prevention Week-ah hian ‘Ram tikang lo turin mitin i fimkhur ang u’ tih chu thupui-ah hman niin rampuma he Hapta hman chhung hian kangmei laka fimkhur a \ul zia inzirtirna kawng hrang hrangin kalpui a ni ang.

Comments

Popular posts from this blog

PAN CARD an tih teh fo hi - Laldinpuia