Fu-ke kim in District a piang dawn - Dr. Thangtea

Health Minister Dr. R. Lalthangliana chuan Saitual in District thar an nei dawn tih sawiin, “Saitual hian District thar in neih dawn avangin ngaihngam takin lo awm ula, in mumang lamah te pawh lo mang lawk rawh u. Fu-ke kim neiin MNF Sawrkar thar hian District a pe dawn che u a ni tih lo chiang rawh u,” a ti.

Nimin a MNF |awi East Block buatsaiha Saitual Auditorium-a 'Sorkar thar lawmna leh MLA Silver Jubillee lawmna' a hmanpuina ah he thu hi sawiin Dr. R. Lalthangliana chuan kum 2008-a MNF Sawrkar hmasa in Notification a lo siamfel sa vek tawh chu bawhzuina awm lova rei tak a awm hnuah tunah chuan MNF sawrkar tharin District thar pathum a ti hlawhtling dawn ta tih a sawi a. Saitual-in District thar an nei mai tur chu a lawmpui thu leh Bialtu MLA \ha tak mai, bial mipuite rin hlawh leh innghahna tlak an nei chu a lawmpui thu sawiin, “District thar lo piang tur chu Saitual leh a chhehvel te tan a chhenfakawm hle dawn a ni,” a ti a. SEDP chungchang pawh tarlang nghalin, SEDP chu NLUP ang ni lo, Pocket money inpek ang mai maia inpek tur a nih loh zia leh hlawhtlin pui ngei theih tur programme huamzau a nih thu a sawi bawk. Dr. R. Lalthangliana chuan, “Zoram mipuite hian inngaitlawma Lalpa kan zawn a, tih takzeta \awng\aia sima kan awmdan sual kan bansan chuan kan Zoram chhe tawh tak hi Lalpa'n min tidam leh dawn a ni,” tiin Pathian hre reng chunga ram siam hna thawhpui ah kalkhawm mipuite chu a sawm bawk.