Latest News

Uar takin Kut i hmang ang u

Uar takin Kut i hmang ang u

Mizo ten Kut chi thum (3) kan neih te zinga tun thlenga uar taka kan la hman awm-chhun, Chapchar Kut chu naktuk hian hmun hrang hrangah kan hmang leh dawn ta a. He Kut hi Mizo ten kan pi leh pu hunlai a\anga Kut kan hman zinga tun thlenga kan la hman uar awmchhun leh mitin min huap zo a nih avangin uar taka kan hman hi a pawimawh hle a. Kan Pi leh kan pu te hunlaia an lo hman tawh \hin angin hmang theilo mah ila, kan pi leh pu hunlai a\anga kan Culture pholan nan leh kan Zo nunzemawi inzirtirna atana kan hman hi thil \ha tak a ni thung.
Mizote hian kawng hrang hrangah hma kan sawn a, kan eizawnna te pawh a danglam zel a, tunlai \hangthar tam tak te chuan kan Lo neih dan phung pawh hre tawh lovin he ‘Chapchar Kut’ awmzia pawh hi an hre tawh kher in a rinawm loh. Chutihrual chuan he Chapchar Kut hmang tur hian Lo neih dan phung hriat kher emaw, Lo nei mi nih kher emaw a \ul in a lang lo a, kan Pi leh pu te hunlai a\anga kan Kut pawimawh em em zinga pakhat, Chapchar Kut kha kan hmang dawn tih kan pawm mai hi a \ha in a rinawm a ni.
Tin, Chapchar Kut kan hman hi Mizo te Kut a ni tih hriain mitin te hian uar taka kan hman \hin a pawimawh hle mai a, Chapchar Kut hi Hnamdang ten uar taka min hmanpui theih Kut a nih loh avangin a chawinung-a a hmang uar tur chu keimahni Mizote bawk hi kan ni tih kan hriat a pawimawh hle mai. Mi tu ten emaw Chapchar Kut an hman va telpui-a alo thlirtu chauh ni lovin Chapchar Kut hmangtu, item hrang hrangah te pawh tela a neitu chan changtu nih tum \heuh ila he Kut hi uar takin kan hmang theiin a rinawm.

Comments

Popular News (Last 30 Days)