BADP sum ruahman pawm

State Level Screening Committee on Border Area Development Programme (BADP) chu nimin khan Secretariat Conference Hall-ah an Chairman, Lalnunmawia Chuaungo, Chief Secretary hova \hukhawmin kum 2019-2020 chhunga BADP hnuaia hnathawhna tura sum ruahman cheng nuai 5367 chu Sawrkar Laipui pawmpui tura thlen remtih a ni.
Mizoram chhunga RD Block 26 zinga RD Block 15- Ngopa, Champhai, Khaw-bung, East Lungdar, Hnahthial, Bunghmun, Lungsen, Siaha, Tipa, Sangau, Lawngtlai, Bung-tlang South, Chawngte, West Phaileng leh Zawl-nuam te chu BADP huam chinah an awm a. Heng RD Block zawng zawng hnuaia kum 2019-2010 chhunga hnathawhna tur a ruahman chu cheng nuai 5183 (Central Share nuai 4646 leh State Matching Share nuai 537) a ni a. Hei bakah hian Modified Guidelines of BADP, June 2015 in a phal angin BADP hnuaia hnathawh vil zui a endikna atan cheng nuai 50 dah niin, hian Modified Guidelines of BADP, June 2015 in a phal ang bawkin \ul bik leh project hman-hmawh thlak lo awm thut thei dawm nan SLSC Chairman in a \ul anga a hman turin cheng nuai 134 dah a ni bawk.
BADP Guidelines-ah chuan BADP hnuaia Project siam reng reng India ramri a\anga KM10 huam chinah thawh tur ani tih a ni a, Ministry of Home Affairs in ruahmanna thar siamin tlemin a thlahdul hret a, India Border a\anga khaw hnai ber a\anga chhiar a KM 10 huamchhungah BADP hnuaia project te kalpui theih ani tawh a ni.
BADP hnuaiah hian India ramri venghimtu sipai (Border Guarding Forces) te tan RD Block tinah BADP sum hman tur a ruahman zat a\anga 10% \heuh dah hran tur a tih a ni a, BADP huam chin chhunga guidelines in a phal ang chi project hrang hrang Border Guarding Force ten ruahmanna an siam te chu hemi 10% chhungah hian khung tel \hin tur a ni.

Comments

Popular posts from this blog

PAN CARD an tih teh fo hi - Laldinpuia