Aizawl-ah North East Natya Sangam 2019 neih a ni

/
India hmarchhak huap lemchan leh lam khawmpui (Festival), 'North East Natya Sangam 2019' chu nimin khan Govt. T. Romana College Auditorium-ah neih \an a ni a, Agriculture Minister, C. Lalrinsanga chuan khuallian niin a hmanpui a ni.
Sangeet Natak Akademi, New Delhi bultuma Art & Culture Department leh Govt. T. Romana College te buatsaih ni li chhung awh tur 'North East Natya Sangam 2019' hawnna hunah hian Agriculture Minister chuan hnam rohlu, lam leh lemchan pholanna hun \ha tak buatsaih a ni chu lawmawm a tih thu sawiin, State hrang hrang intlawhpawhna leh thawhhona chuan lungrualna leh inunauna nasa lehzualin a thlen a beisei thu a sawi a. India rama hnam hrang hrang zingah hnam tlem leh te zawkte hian hriat an hlawh lo hle tih pawh sawiin, India hmarchhaka hnam nunphung leh ziarang phochhuahna atan festival hi a pawimawh hle a ni, a ti bawk.
North East Natya Sangam rual hian 'National Seminar on Prespectives: Theatre in NE India' pawh neih nghal niin mithiam te paper buatsaih chu zirho a ni bawk. Sangeet Natak Akademi hi Ministry of Culture hnuaia Autonomous body niin May ni 31, 1952 a din a ni a. India ramchhunga hnam hrang hrang rimawi te, lam te, lemchan te phochhuah leh humhalh hna an kalpui \hin a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »