Lok Sabha MP kaihhruaiin Serchhip-ah DDCMC/DISHA \hutkhawm neih a ni

Serchhip District chhunga Central sawrkar sum hmanga hmasawnna hnathawh hrang hrangte enkawltu Committee, Serchhip District Development Co-Ordination & Monitoring Committee chu nimin khan an Chairman Lok Sabha MP, CL. Ruala kaihhruaina hnuaiah an \hukhawm a, Serchhip bialtu MLA, Lalduhoma chuan he hun hi a telpui bawk a ni.

Serchhip DC’s Conference Hall-a Serchhip District Development Co-Ordination & Monitoring Committee \hutkhawm ah hian Meeting kaihruaitu Lok Sabha MP, CL. Ruala chuan kum sawm (10) chhung zet DDCMC Chairman a nihna chu a lo tawp dawn tak thu leh tun \uma \hutkhawm hi a hova an \hutkhawm hnuhnung ber a nih tur thu a sawi a. |hahnemngaihna avanga DDCMC member, Officers te chungah \awngkam mawi lo deuh te a lo hmanga, an rilrute a lo tina palh a nih chuan ngaihdam a dil a. Kum sawm chhung zet \ha taka an lo thawhpui tawhna ah lawmthu a hrilh bawk a. Sawrkarin hmasawnna hnathawk turin Officers te lo chu kutke dang a nei chuang lo tih sawiin, an pawimawh zia a sawi bawk. He hunah hian Co-Chairman Rajya Sabha MP, Ronald Sapa Tlau pawhin Chairman, CL. Ruala thlahna thu hi a sawi ve bawk a, hruaitu viak \ha leh taima tak, Mizoram tana thil \ha tam tak lo titawhtu, District Council hunlai ata Vawiin thlenga tha tho taka ram tana beitu a ni, a ti a. Amah thlah nan hian members kalkawm ten kut an beng a ni.

Nimin a DDCMC/DISHA \hutkhawm ah hian nikum June thla a\anga kumin February thla thlenga sawrkar laipui sum hmanga hnathawh hrang hrang te tarlan a ni a. He huna tarlan a nih danin tun Financial Year chhungin ni za inhlawhna (MGNREGS) a\angin mipuite ni 85 inhlawhna siam a ni tawh a. Financial Year tawp hmain la hmuh belh beisei a ni a. PMGSY hmanga District chhunga inkalpawhna kawng siam mek pakua (9) zinga pahnih chu zawhfel thuak an ni tawh a, a dang panga chu za zela 60 - 85 inkar vel zawh tawh niin tunhnai maiah hna thar neih belh Chekawn - Sialsir leh Khawlailung - Piler kawngte pawh thawh \an leh tawh an ni.

RGGVY hnuaia hnathawh khaw 18 zinga khaw 15 chu zawhfel vek tawh an ni a. Khaw pathum Chhingchhip, Hmun\ha leh Thentlang-ah te thawh zawh tawh hnu, Contractor ten an la enkawl lai sia leiminin a tihchhiat te chauh hmabakin an la awm rih a. Hei pawh hi reilote ah zawh theih beisei a ni. DDUGJY a\anga Tuichang-a hnathawh te, Integrated Power Development Scheme (IPDS) a\anga Thenzawl-a hmalakna hrang hrang te, SAUBAGYA a\anga Maicham Project Division hnuaia hmalakna te pawh zawh fel vek tawh an ni.

National Health Missions report-ah kum 2018 - 19 chhunga IMR hi 10.02 a ni a, naupiang hi 798 niin an zinga 8 hi an boral a. Nau-pang kum 5 hnuai lam boral zat hi 10 an ni a, Child Death rate hi 12.5 a ni a, nausen ni 28 aia sen boral, Neonatal Death chu 5 an awm bawk. Hemi hun chhunga MSACS Test Report-ah HIV Test hi General Population bikah Serchhip ah mi 1504 test an ni a, chung zinga 35 chu Positive an ni, raipuar mi 43 test-ah 7 chu Positive an ni.

He hunah hian DDCMC Chairman, CL. Ruala chuan, Mizoram-ah HIV Positive kan tam lutuk chu manganthlak a tih thu sawiin, Kohhran tinte chu nasa zawka HIV/AIDS venna lama hmala turin a ngen a. He natna kan \halaiten an kaina lian ber chu mipat hmeichhiatna (Sex) a ni a, inzirtir nasat a \ul tak zet a ni, a ti bawk.

Hengte bakah hian NRLM te, NULM te, Swachh Bharat Missions leh National Rural Drinking Water Programme te, BADP te, Ujjwala Yojana te, Social Welfare hnuaia hma-lakna te, IWMP/PMKSY te, SSA leh RMSA te leh hmalakna hrang hrangte pawh tarlangin harsatna awm te sawiho a ni bawk.