SDO (S) in Serchhip District DM Dashboard a tlangzarh

/
Serchhip District DM Dashboard chu nimin khan Serchhip SDO (Sadar), R. Vanrengpuia chuan a Pisa-ah Serchhip District DM Dashboard a tlangzarh.
DM Dashboard hi National Informatics Centre (NIC) ten an buatsaih niin, District hotuten an District huamchhunga sawrkar hmalakna leh project hrang hrangte uluk leh awlsam zawka an vil theihna tura hmanraw \angkai tak ni tura beisei a ni a. DM Dashboard hi online Web-Service niin 24x7 uninterrupted service a pe thei dawn a ni.
Serchhip District DM Dashboard hnuaiah hian project hrang hrang dahluh a ni tawh a, chung te chu-PMAY (Gramin), Swachh Bharat Mission (Gramin), NRLM, VAHAN, RCH, NSAP, MLA LADS, Inner Line Permit leh Arms License Monitoring te an ni. Heng bakah hian sawrkar department hrang hrang hnuaia project pawimawh tak takte dahluh chhunzawm an ni ang. MD Dashboard hmang hian ‘Analytical Review’ dik leh awlsam takin kalpui a ni ang a, hmasawnna chak leh tam zawk kan neih theih ngei beisei a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »