Serchhip-ah District Bawrhsap hovin Fire Prevention Week-2019 hawnna neih a ni

/
Kangmei ven kawnga beihpui thlakna Hapta, Fire Prevention Week chu nimin a\ang khan Mizoram pumah hman a ni leh ta a, Serchhip-ah pawh nimin khan Serchhip District Bawrhsap leh District Fire Prevention Committee Chairman, Sangchhin Chinzah hovin he Hapta hawnna hi neih a ni.

Serchhip-a Fire Prevention Week hawnna inkhawm HD Rosanga Multipurpose Hall, Govt. Serchhip College-a neih ah hian District Bawrhsap, Sangchhin Chinzah chuan Mizoram chu India rama ram tikang nasa ber te zinga mi kan ni tih sawiin, kum 2004-2007 inkar leh 2009-2010 chhung khan Satelite hmanga endikna ah ram tikang nasa ber kan nih thu leh kum 2007-08 leh 2010-11 ah pahnihna kan nih thu a sawi a. Ram kang tihlana Map-ah phei chuan kan ram pum chu kan tikang ta emaw tih mai turin a awm tih sawiin, Mipuiten kan ram hi kangmei laka kan chhanhim loh chuan a chhunga cheng keini pawh hi kan him bik dawn chuang lo tih a sawi a. Ram kang vanga mihringin a hloh nasat dan te tarlangin, “A veng turin mitinin mawh kan phur theuh a, kang laka venhim dan hmasa ber leh awlsam ber chu 'tihkan loh' a ni,” a ti bawk.
He hunah hian Thenzawl DFO leh District Fire Prevention Committee-a Member Secretary, Lalduhthlana chuan Report pe in ramngaw leh ramkang chungchanga Mizoram leh Serchhip District dinhmun tlangpuite leh kumin a Fire Prevention Week a hmalak dan tur Committee in a ruahman te sawifiahna a nei a. MJA Serchhip District President, C. Ramengmawia kaihhruaina in kalkhawm mipuiten Fire Prevention Week thutiam an sawi rual bakah Serchhip Sub-Hqrs. YMA President, R. Sanghmingthanga hnen a\angin thusawi ngaihthlak a ni bawk.
Nimin-a Serchhip District-a Fire Prevention Week, 2019 hawnna inkhawm hi Serchhip District Honorary Wildlife Warden, RL. Chhuanawma chuan a kaihruai a, Chairman hian Fire Prevention Week, 2019 puala Chief Minister, Zoramthanga thuchah a chhiarchhuak a, DFO North Vanlaiphai, Laltlanhlua Zathang chuan lawmthu sawina hun hmangin Week hawnna inkhawm hi tihtawp a ni.
Nimin a he hun hmanna ah hian Serchhip District SP, Sathyiasundaram te, District Fire Prevention Committee Members te, District chhunga Officers te, tlawmngai pawl hrang hrang leh chanchinbu mite, College zirlai naupang te leh sawm bik midangte an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »