SDCA in Cable TV-ah hmalak zui zel an tum

Serchhip District Consumers’ Association hruaitute chuan nimin khan Serchhip-a tualchhung thuthar thehdarhtute kawmin Cable TV en man bithliah thar chu mipui ten an hriatchian a pawimawh thu an sawi.

Serchhip District Consumers Association hruaitu ten Jamela Hotel, Serchhip-a thuthar thehdarhtute an kawmna hun hi an President, H. Zonuntluanga chuan kaihruaiin Telecom Regulatory Authority of India (TRAI) in TV en man a bithliah thar chu Mizoram-a Cable TV Operator ten a nih dan tur ang takin an la zawmlo nia an hriat thu leh Dan zawm siin Dan hrulah an kal nia an hriat thu a sawi a. Hemi chungchangah hian an theih anga hma an lak thu a sawi bawk. He hunah hian Serchhip District Consumers Association-a Secretary, Laldinpuia chuan Cable TV en man chungchanga hma an lo lak tawh dan te sawiin, Cable TV Operator hna chu sumdawnna hlawk tak ni \hin mah se tunah chuan he Dan avang hian Operator te hlawkna chu a tlahniam dawn ta hle tih a sawi a. Kum 2011 December thlaa India rampuma Cable TV te Analog a\anga Digital System a thlakna tur Dan an lo passed tawh, The Cable Television Networks (Regulation) Amendment Act chu hemi hrula TRAI tena dan an siam te a tahtawla an siam\hat hret hret hnuah kumin February 1 a\angin India ram pumah Digitalization of Cable TV tak tak chu hman tan a lo ni ta tih a sawi a. He Dan hi mipuite pawhin kan hriat a pawimawh thu leh chutiang bawkin Operator te pawhin Dan an zawm ngei theih nan Consumers Association chuan hma an lak zel dawn thu a sawi bawk.