LAD Minister in Directorate Office pahnih tlawh

Local Administration Department (LAD) leh Fisheries Department changtu Minister, K. Lalrinliana chuan nimin khan LAD leh Fisheries Directorate a tlawh.

Minister K. Lalrinliana hian LAD Directorate leh Aizawl DLAO Office tlawh hmasa in Department thil pawimawh leh hmalakna turte an sawiho a. Minister chuan tunhma Village Council President a nih \hin laia LAD Department inthlak danglamna a hmuh te sawiin, SEDP hnuaia Village Registration an tih na turah Nodal Department an nihna anga Department hnuaia thawktu ten tun aia \hahnemngai leh zuala an thawh a ngaih dawn thu te a sawi a. Hei hian Dan lo ang a khaw din \hin chu a tih tlem bakah a awm belh zel tur ven nan a \angkai tur thu a sawi bawk.

Hemi hnu hian Minister hian Fisheries Directorate tlawhin thawktute nen inkawmna an nei a, kum 1986 a\anga Sangha enkawl dan a hmelhriat chhoh thu leh an Sangha zawrh \hin hunlai leh tun dinhmun ah Market Demand a inthlauh nasat tawh zia a sawi a. Mizo ten sangha ei kan in tihhmuh nasat zia leh Doctor te pawhin damlote tana sa hrisel tih an hriat avanga damlo te ei tura thurawn an pek fo avangin mipui mamawhna a lo sang chho zel a, Sangha-ah Mizoram a intodelh theih nan Fisheries mitiamten Fish Farmer te fuih leh kaihruai zel \ul a tih thu a sawi a. Sangha leh Kaikuang leh Ulawng thleng a zirchianna (experiment) a lo tih \hin tawh thu sawiin, SEDP hnuaiah Fish Farmer te nen thawhho na \ha zawk an neih theih nan Society din nasa tura farmer-te fuih turin thawktute a chah bawk.