Chief Minister in kawngpui chungchang thlen

/
New Delhi a cham mek Mizoram Chief Minister, Zoramthanga chuan nimin chawhma khan Central Sawrkar-a Road Transport and Highways Minister, Nitin Gadkari chu a chenna banglow-ah hmuin Mizoram thil pawimawh a sawipui.
He an inkawmna ah hian Chief Minister chuan Mizoram ang ruahtui tamna ah alkatra hmanga kawng siam a tlo \hin loh avangin cement concrete hmanga kawng siam a \hat zawk thu te, Mizoram leh hmarchhak economy siam\hata tihngheh nan uar zawka Mau chin a \ul thu leh Mau phurh vel nan Bamboo Link Road a pawimawh thu te, Mizoram National Highway tam zawk NHIDCL (National Highways and Infrastructure Development Corporation) kuta pek tum chu ennawn leh a, NH. 54 pumpui Lailapur a\anga Tuipang thleng bak Highway tenau chu State PWD kuta dah tur leh Parliament inthlan puan hma ngeia Mizoram Highway siam\hatna tur estimate te sanction turin Union Minister hi a ngen bawk.
Union Minister, Nitin Gadkari chuan Seling leh Champhai khaw kar kawng hmun pahnih te, New Vervek - Tuivai kawng siamna tur leh Tuivai Lei dawh\hatna tur te, Airport kawng-a Tlawng Lei dawhna tur leh kawng \henkhat thuam\hatna tur chu reilote chhunga sanction tihchhuah mai theih a nih thu Chief Minister hi a lo hrilh a. Heng hna te hi hmanhmawh thlak an nih avangin sanction chhuah hma pawha Tender lo chhuah mai Chief Minister in a dilna pawh a remti a ni. Lunglei - Tlabung road a Phairuangkai Lei leh Durtlang - Sihphir kawng zauhna tur pawh a rang thei anga sanction tura hma lak tum anih thu Union Minister chuan a hrilh bawk a. Cement concrete road leh Highway enkawltu chungchang pawh lo ngaihtuah a tum thu a hrilh bawk. 
He an inkawmna ah hian Union Minister hi Director General & Spl. Secretary leh Chief Engineer ten an \awiawm a. Chief Minister hi Pu Umakant, Resident Commissioner, Delhi; K. Lalsawmvela, Chief Engineer, PWD leh Lalhmansanga, P.S to CM ten an \awiawm a ni

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »