Inthlanpui neih tur atan Police ten training \an

Lok Sabha inthlanpui neih tur atana inpuah-chahna atan nimin khan Serchhip Police te chuan training an nei \an a, training hi neih chhoh deuh reng tawh tura ruahman a ni.
Nimin a Serchhip District chhunga Police te tana training hi Serchhip SP Conference Hall-ah neih niin tun \umah hian inthlanpui kaihhnawiha venhimna chungchang, Model Code of Conducts chungchang leh inthlanpui-a duty turte tana an hriat tur pawimawh hrang hrang zirhona neih niin he Training hi Batch thum neih tura ruahman a ni a, Batch tin hian nikhat zel training hi neiin an vaiin mi 140 te training tura beisei an ni a, nimin-a Batch hmasa ber ten training an neih ah hian mi 50 an tel a ni.
Nimin a he training hawnna hun hi Ser-chhip District SP, R. Sathiyasundaram IPS chuan hmanpuiin inthlanpui neih tur chu India tan thil pawimawh tak leh roreltu tur thlanna a nih avangin kawng engkim ah uluk taka inbuatsaih a \ul thu a sawi a. Nikum lawkah Mizoram in Assembly inthlanpui a neih zawh chauh avangin Police te chuan thil kawng engkim an hriat sa tawh ni mah se inthlanpui neih ah ruahmanna thar te a awm zel \hin avangin Police te chuan chung rua-hmanna te chu an hriatchian a \ul thu a sawi bawk.
He Training-ah hian Serchhip Addl. SP, Riadho Hlychho MPS te, Serchhip SDPO, David J. Byhnadaolai MPS leh SDO (Civil) Thenzawl, Pinky Zosangpuii te chuan inthlan kai-hhnawih thupui hrang hrang hmangin zirtirna an pe a, Vawiin ah chhunzawm a ni ang.

Comments

Popular posts from this blog

PAN CARD an tih teh fo hi - Laldinpuia