Mizoram Press miten Meghalaya CM an kawm

Meghalaya State tlawha Press Tour nei mek MJA member 9 leh anmahni hruaitu Information Officer te chuan nimin khan Meghalaya Chief Minister, Conrad K. Sangma chu a chenna-ah an kawm.

He an inkawmna hunah hian Meghalaya State Chief Minister chuan Mizoram Journalist ten Meghalaya Eco-Tourism Model\thenkhat an tlawh avanga lawmawm a tih thu sawiin, Mizoram chu ram mawi tak, khualzinmite tlawhduh tak tur nia a hriat thu a sawi a. Tourism kawnga Meghalaya a hlawhtlin chhan nia a ngaih te sawiin, an hlawhtlinna chu Hmarchhak mite tan thil chhuanawm tak a ni, a ti a. Tourism chungchangah sawrkar che hmasa lovin mipuiin hma an hruai tih sawiin, sawrkar puihtlak khawpa hma an lak hnuah sawrkar chu a che chhuak \hin tih a sawi a.Tourism huangah Meghalaya Chief Minister chuan cheng vbc. 35 sengin nasa zawkin hma a la tih sawiin, "Mipuiin anmahni in hma an la anga, sawrkar chuan Tourism thil - building emaw, infrastructure lam a khawih dawn lova, mimal hmalakna ah a dah anga, \anpui an ngaih chuan kan pui ang", a ti bawk. Heng Press mite hian Meghalaya State-a sawrkar hmun pawimawh leh hmun pawimawh hrang hrangte an tlawh bawk a ni.