Sports Minister hovin MSSC \hutkhawm neih a ni

Sports Minister, Robert Romawia Royte kaihhruaina hnuaia a vawikhatna atan nimin khan Mizoram State Sports Council General Body Meeting chu MSSC Conference Hall, Hawla Indoor Stadium-ah neih a ni.

Nimin a MSSC General Body Meeting-ah hian Sports Minister chuan Mizoram-ah Sports lama hmasawnna a thleng chho zel a, kan hruaitu hmasate leh infiammite, kan ram hming ti\hatute an chhuanawm hle a ni, a ti a. Olympics hmangin ram hrang hrang khawvel pum huapin kan intihsiak \hin a, India ram pum huapin National Games-ah kan intihsiak leh a, Khelo Youth Games kan nei leh a, hengah hian Mizo hming ti\hatu kan nei chho zel a, a lawmawm hle a ni, tiin heng infiammi chhuanawm tak tak te hi sawrkar lam a\ang pawhin lawmpuina (incentives) pek an ni \hin tih a sawi bawk.

Sports Minister chuan intihsiakna reng rengah level sang inelnaa tel thei ringawt pawh an fakawm thu sawiin, Qualifying level ngaih pawimawh a \ul thu a tarlang a. Olympics leh National Games-ah mi tam zawk kan tel theih nana kawng pakhat chu Mizoram State Games neih a ni a, hemi neih hma hian District level-a intihsiakna pawh a awm tura ruahmanna siam tum a nih thu a sawi a. Hei hian infiamna chi hrang hrangah rahbi thar min kaitir a beiseiawm hle a ni, a ti a. Infiamna lama hmasawnna ruhrel kan neihte hi tun aia changtlung leh lian zawk, intihsiakna lian zawk neih theihna tur kan mamawh tih sawiin, tinzawn neia hmasawnna ruhrel kan neih a ngai tih a sawi a. Infiammi chauh ni lovin mipuite pawh kan insawi-zawi \hat a \ul thu leh hemi pual hian ‘Fitness Day’ nei tura ruahmanna siam a ni dawn tih a sawi bawk.

He Meeting-ah hian kumtina MSSC in Association hrang hrang hnena an pekchhuah \hin, Annual programme Form-a dahbelh tur sawi ho a ni a. MSSC hnuaia Hall leh Field hman man tihdanglam chungchang rel a ni bawk.