District function-na tur Budget-ah dah dawn

Health Minister, Dr. R. Lalthangliana chuan, “District 3 kan puan tawh Hnahthial, Khawzawl leh Saitual te hi District tihpuitlin a nih theihna turin thla leha Budget Session hmasa ber kan neih turah a function theihna turin chumi atana sum mamawh chu budget-ah kan dah ang,” a ti.
South Tuipui bialtu MLA ni bawk, Dr. R. Lal-thangliana hian kar kaltaa a bial chhung a fan-kualnaah thu sawiin, District 3 an function turte hian kum 5 chhungin kawr an hak tur ang ang chu ha kimin fu-ke kim an nei vek ang tih a sawi a. “District kan tihpuitlin hunah chuan a huam-chhunga Department awmsa te tilianin a \ul ang zelin department dang pawh hawn belh a tul zel dawn a ni,” a ti.
SEDP chungchang sawiin Dr. R. Lalthangliana chuan, “Thla leha budget session kan neih turah hian a bul\an nan a ‘chi’-ah cheng vbc. 1000 tel kan dah dawn a, SEDP hi a thawk tak takte tan chauha dinchhuahna tur a ni a. SEDP hi Project Base-in kan kalpui dawn avangin NLUP anga sem, duh duhna a hman theih ang khan kan kalpui ve dawn lo a ni,” a ti a. Thiam bikna nei leh neilo te tan pawh an thawh tur ruahmanna \ha tak kalpui a ni dawn a ni tih sawiin, a tahtawla kalpui tur a nih thu  a sawi bawk. 
Health Minister chuan tunhnaia ZPM thuchhuahin MNF chu mipui buma an puh chung-chang chu chhangin, Blood Processing Fee chu January ni 14-a Council of Ministers Meeting neihah notification tichhuakin sawrkar damdawi In a\anga lak \hin chu tihtawp a nih tawh thu a sawi a. Goverment Hospital-a admit-te chauh an free-sak a, Private Hospital-ten Civil Hospital-a thisen an lei chhawn ang chu a huam rih lo tih sawiin, sum awm dan a zirin Private Hospital-a Blood Processing Fee lak chu la ennawn leh tur a nih thu a sawi bawk.

Comments

Popular posts from this blog

PAN CARD an tih teh fo hi - Laldinpuia