Serchhip-ah zirna In hrang hranga inthiarna thawm\hatna tur sum semchhuah a ni

Swachh Bharat Mission (Gramin) buatsaihin nimin khan Serchhip-ah Serchhip District chhung thingtlang khaw hrang hranga zirna In hrang hrangte tan Faina leh thianghlimna chungchang inzirtirna neih a ni a. He hunah hian heng zirna In hrang hrangte hnenah hian Swachh Bharat Kosh Fund semchhuah nghal a ni bawk.

New Serchhip YMA Hall-a thingtlang-a zirna In hrang hrangte tana 'Zirna In \ha chuan Faina leh thianghlimna a ngai pawimawh tur a ni' tih thupui hmanga Faina leh thianghlimna chungchang inzirtirna hun hi PHE Serchhip WATSAN Division-a Sr. Executive Engineer, Er. F. Lalsanglura chuan kaihruaiin Faina leh thianghlimna ah hian zirna In hrang hrangah hma lo la tawh \hin mah se tun anga thawhhona lian leh \ha hi ala awm ngailoh thu a sawi a. Zirna In \ha chuan thianghlimna leh hriselna a ngai pawimawh \hin tih sawiin, zirlaiten \ha taka lehkha an zir theihna tur chuan an hrisel hmasak a \ul a, chuvangin Quality Education nei tur pawhin Quality Sanitation neih hi thil \ul hmasa a ni, a ti a.  Serchhip District chu pawnler-a inthiar awmlohna, Open Defecation Free (ODF) a nih tawh thu sawiin, he dinhmun hi kan luah chhunzawm theihna turin hmalak zel a nih dawn thu leh chumi atan chuan zirna In leh khawtlang fai chu thil pawimawh a nih thu a sawi a. ODF ni tura enfiahna ah zirna In te thianghlimna leh an inthiarna te chu ngaih pawimawh a nih thu pawh sawiin, tuna Faina leh thianghlimna inzirtirna an buatsaih chuan naupang ten zirna In nuam ti taka an kaia inthiarna thianghlim leh \ha an neih chu a tum ber a nih thu a sawi a. Tunhma lamin Total Sanitation Campaign (TSC) a\angin zirna In hrang hrangah inthiarna an lo siam tawh \hin thu pawh sawiin, amaherawh a enkawl zui thu ah harsatna a awm \hin thu a sawi a. Zirna In te chuan hetiang inthiarna an siam sak te hi a enkawl zui chu an kut a ni tih hriain fai leh thianghlim takin lo enkawl se a duh thu a sawi bawk.

He hun hi Serchhip DEO, Lawmawma pawhin hmanpuiin zirna In te tana sum ruahman te chu tam tham lo te te pawh ni \hin mah se dik taka a nihna tur anga \hahnemngaihna nena hman a nih chuan thil \ha tak thlentu a ni thei tih a sawi a. Tuna Swachh Bharat Kosh Fund an dawn pawh hi tam thamlo te mah ni se a nihna turah tak an hmang a nih chuan a \angkai ngei a beisei thu sawiin, School \henkhat in Annual Grant an dawn chu zirna In hotu ten thawhpui leh School Committee te pawh rawn lova an hman mai \hin thu a sawi a, hei hi \ha a tih loh thu leh hetiang sum reng reng hi Staff Meeting-ah emaw, School Committee-ah emaw a hman dan tur sawihoa hman \angkai ni ngei se a duh thu a sawi a. School hrang hranga Eco Club te chu faina kawng ah hman \angkai tum turin a chah bawk.

Nimin a he hun hmanna ah hian SBM (Gramin) Serchhip District Co-Ordinator, Samuel Lallawmzuala chuan he ruahmanna kalpui dan sawiin sumdawng lian leh Company lian tak tak neitu bakah mi langsar ten faina kawnga hmalakna tura sum an thawhkhawm chu Swachh Bharat Kosh Fund-ah hian chhunluh a nih thu sawiin, nikum lamah he sum hmang hian Serchhip District-a chhungkaw 1346 te chu inthiarna an neih mek thawm\hatna turin Rs. 5000/- \heuh an lo hlan tawh thu a sawi a. Kumin hian zirna In te hnenah School-a inthiarna thawm-\hatna atan pek leh tura ruahman a nih thu sawiin, a tirah School 96 tan Project thehlut mah se School 75 chauh pawmsak an nih thu a sawi a, heng School 75 te hnenah hian 1st Instalment-ah Rs. 6000/- pein hei hi an hman zawh hnuah a hmang \ha te hnenah 2nd Instalment Rs. 2500/- pek leh tur a nih thu a sawi a, he sum hi n\angkai taka hman tum turin zirna In hrang hranga hotute chu a chah bawk.

Nimin a he hun hmanna ah hian \anpuina dawng tur zirna In hrang hrang aiawhte bakah PHE Serchhip WATSAN Division-a thawk te leh tualchhung chanchinbu mite an tel a ni.