Start-Up India Mizoram Yatra hawnna neih a ni

Department of Industrial Policy & Promotion, Govt of India leh Mizoram Sawrkar \angkawp in a buatsaih, 'Start-Up India Mizo-ram Yatra' chu nimin khan Transport Minister, TJ. Lalnuntluanga chuan hawngin Start-Up Yatra Van a vailiam nghal.

Start-Up India Mizoram Yatra hawnna hunah hian thu sawiin Transport Minister chuan Mizoram Sawrkar hnuaia ei leh bar, sum dehchhuah leh eizawnna (economy) chang-tlung leh tlo zawk Mizoram-in a lo neih theihna tura hmalakna pawimawh tak pakhat chu Entrepreneurship development a nih thu a sawi a. Entrepreneurship-ah chuan Thiamna bituk (qualification/eligibility) a ngai ve lova, kum bithliah a awm lova, hnathawh hunbi a awm ve lova, A thawk tam leh remhria apiang dinchhuahna, a taima leh hmangchang hria apiang hausakna a ni, a ti bawk.

Transport Minister chuan \halai taima, tumruh leh a ngaihna hria ten sawrkar behchhan lova mahni kut leh ke a an dinchhuah phah ngei a beisei thu sawiin, hausa fa te ringawt an lian chho leh \hin chu a veiawmin mi tumruh leh taima te tan hlawhtlinna kawng a inhawng ve reng tho a ni tih beiseina tinung thar tu atan he programme hi chhawr tangkai nise a duhthu a sawi bawk.

Start up Yatra hian a tum ber chu Entrepreneurship lama Awareness pek leh zirlai, hetiang lama tui mi te competition hmang a hmasawn thei tur a chher chhuah a ni a, 'Highly-Equipped Start-Up Yatra Van' hian Mizoram khawpui hrang hrang tlawh kual in, School leh College thlan bikah kalkual in zirlai leh helama tui mi te a khawn khawm ang a, Start-up India kalphung hrilhfiahna leh he competition a tel dante a sawifiah anga, a dinna hmunah hian competition a tel duh te tan registration a tih nghal theih dawn a ni. Van in a tlawh tura ruahman chin a tlawh kual hnuah Aizawl leh Lunglei ah Boot Camp neih a ni ang.