Serchhip Sub-Hqrs. YMA in Mizoram MP te hnena lawmthu sawina hun an hmang

Serchhip Sub-Hqrs. YMA chuan nimin chawhnu khan Lok Sabha MP, CL. Ruala leh Rajya Sabha MP, Ronald Sapa Tlau te chunga lawmthu sawina hun an buatsaih.

Serchhip Sub-Hqrs. YMA hian nimin chawhnu dar 1:00 khan Serchhip Bazar-a an Office-ah Mizoram-a MP pahnih te chunga lawmthu sawina hun hi buatsaihin he hunah hian an President, R. Sanghmingthanga chuan Lok Sabha MP, CL. Ruala hian Serchhip Sub-Hqrs. YMA Office building sakna atan MP (LAD’s) Fund a\angin sum \hahnem tak alo pek tawh thu sawiin, an Office sak bul\anna atan cheng nuai 10 alo pek tawh thu leh hemi hnuah pawh hian an mamawh an thlen te chu alo tih hlawhtlin sak \hin tih a sawi a. Hetianga a puihna avang hian Office building \ha tak an nei thei ta tih a sawi a. Hei bakah hian mipui ten an mamawh em em, Serchhip a\anga ruang thawnchhuahna tur Motor, Morgue Van chu Rajya Sabha MP, Ronald Sapa Tlau hnenah an dil thu leh ani hian a theih anga hma lak sakin tunah hian inhlan mai thei tura tihfel a nih tawh thu sawiin, hetianga Rajya Sabha MP in hma a lak sak bawk avang hian an chunga lawmthu sawina hun hi an buatsaih thu a sawi bawk.

He hunah hian Lok Sabha MP, CL. Ruala chuan kumin May thla khian an term a tawp dawn tih sawiin, MP inthlan ah hian chuh a tum tawhloh thu a sawi a. Mizoram-a MLA bial 40 awm chu MP te bial a nih vek avangin an tan MP Fund a\anga thil tih vek a harsat thu a sawi a, chutihrual chuan an theih ang anga hma an lak ve thu leh Serchhip-ah pawh MP Fund hmanga hma an lo lak ve nual tawh thu a sawi a. MLA, Minister leh MP a nih hnuah mipui ten an \awiawmna ah lawmthu sawiin, a thil tih ang ang te hriat saka lawmthu sawina hun YMA ten an buatsaih chu lawmawm a tih thu a sawi bawk.

Rajya Sabha MP, Ronald Sapa Tlau pawhin Serchhip an rawn kal dawna an hriat lawk loh hetiang lawmthu sawina hun YMA in an lo buatsaih chu lawmawm a tih thu sawiin, Morgue Van chu tunhma lama kan mamawh tih kan hriat loh leh tunah erawh chuan kan mamawh tak em em a nih thu a sawi a, YMA te hnena Morgue Van a pek tur chu tuna bialtu MLA tan pawh amah chhawk zangkhaitu a nih ngei a beisei thu sawiin, YMA in ram leh hnam tana hma an lo lak tawhna hrang hrangte chu lawmawm a tih thu a sawi bawk.