Powerlifting hruaitu ten Mizoram Larsap an kawm

Mizoram Larsap, Kummanam Rajashe-kharan chuan nimin khan International Coach for Power Lifting, Suresh Pai leh Mizoram Power-lifting Association hruaitute chu Raj Bhavan-ah kawmin an harsatna hrang hrangte a ngaihthlak sak.
Nimin a an inkawmna hunah hian Mizoram Larsap chuan Powerlifting chu tun aia mipuiten an hriat lar theih nan \anlakpui a huam thu leh Sports Minister pawh a sawipui tur thu a hrilh a. Mizote chuan infiamna lamah nasa takin hma an sawn zel tih sawiin, ramchhung leh rampawn-ah pawh Mizoram tihming\hatu an ni zel chu a lawmawm takzet a ni, a ti a. Powerlifting-a inhmang infiammi \halaite pawh \ang sauh sauh tura fuihin, an zinga mi engemaw zatin Medal leh chawimawina te an lo dawng tawh chu a lawmpui thu a hrilh bawk.
He hunah hian International Coach for Power Lifting, Suresh Pai hova kal Mizoram Powerlifter-te chuan an harsatna hrang hrang Larsap hnenah hian thlenin tun dinhmunah Mizo-ram State Sports Council chuan Powerlifting hi Sport Discipline pakhat angin recognised mahse Olympics Committee berin a la pawm chiah loh thu leh World Games Committee erawh chuan Powerlifting chu Sport/game chi khat anga a pawm thung thu an sawi bawk.
He hunah hian Mizoram Powerlifting Association President, Lalhlimpuia chuan Power-lifting chu Mizoram-ah kum 2010 a\anga lar \an niin State pawnah pawh an infiammite chuan lawmman vawi engemawzat an lak tawh thu sawiin, sum \anpuina chu hmu se Mizoram mi chak zawnna ‘Mizoram’s Strongest Man’ huai-hawt an duh thu Larsap hnenah hian a sawi a. Suresh Pai chuan powerlifter-te training \hinna hmun Aizawl khawpuia Gym hrang hrangte a tlawh kual thu sawiin, Mizo infiammiten an ngeih ber tur ‘High Altitude Training Centre’ din a rawt bawk.

Comments

Popular posts from this blog

PAN CARD an tih teh fo hi - Laldinpuia