Eptu thenkhat in mipui fuihpawrh an tum mek; MPSC thuneihna laksak kan tum lo - Edn. Minister

School Education Minister, Lalchhandama Ralte chuan MPSC thuneihna laksak an tum loh thu a sawi.

Nimin a Aizawl Mizo Hnam Run-a MNF Chhung Inkhawm ah School Education Minister, Lalchhandama chuan eptu Party \henkhatin a thusawi kaihlekin MPSC thuneihna laksak tumah an puh tih sawiin, “Hemi chungchangah hian eptu \henkhat hian mipui fuihpawrh an tum mek a. MPSC thuneihna laksak kan tum lo. Sawrkar hmasa te'n an lo ngaihsak tawk lo nge, zirtirtu hnaruak hnawhkhah loh 2300 chuang a awm a. Zirtirtu pakhat chauh awmna leh pahnih chauh awmna sikul tam tak a awm a. Heng indaihlohna zualpui hnawhkhat tur hian MR/Contact Teacher sawrkar-in engemaw zat lak a tum mai a ni,” a ti a. MPSC chuan hna nghet an la \hin tih pawh sawiin, tuna an lak tur chu MR/contact Teacher an nih thu leh khawi hmunah mah Public Service Commission-in MR an la ngai lo tih a sawi bawk.

Education Minister chuan MPSC in Primary School Teacher 100 leh Middle School 60 lak a kalpui mek tih pawh sawiin, hemi ah pawh hian In-ah leh Office lama amah panchilhtu an awm nual tih sawiin, MPSC hna lak turah hian a thiam thiam a tling tling an lak a duh thu leh pakhatmah ziakin emaw, phone-in sawipui an nei lo tih a sawi a, \halai lehkhathiamte beidawnga siam an duh lo tih a sawi a. MR/Contract Teacher lak turah hian sikul dinna khuaa mi ngei zirtirtu la turin sawrkar a in ruahman tih pawh sawiin, “Tunah hian kan ram Education hi a damlo nasa hle a, zirtirtu indaihlohna a nasa takzet a. Hmun tam takah ni 100 inhlawhna a\anga khawtlangin zirtirtu an rawih te, Zirtirtu vekin an \hahnemngaihnaa an hlawh a\anga zirtirtu dang an lak belhte an awm nual a. MLA-te leh khawtlang aiawhin zirtirtu indaihlohna an biala mi an rawn sawi nasa em em bawk a. Hetiang a nih avang hian 'sawrkar kan awm ve alawm le' tiin kan mipuite harsatna sutkian kan tum ta a ni,” a ti bawk.

School Education Minister chuan MNF High Command-in a lo passed tawh ang leh SEDP-ah pawh an ziak angin kan ram, hnam leh sakhua mil thei ang bera School Timing tidanglam tura ruahman a nih thu pawh he hunah hian a sawi a, “SSA leh RMSA hnuaia zirtirtute kal dan tur sawrkar-in ruahmanna a siam lo kha a pawi khawp mai. An dinhmun a \hat zawk theih nan a tahtawlin an kalkawng tur kan duang mek a, Security an neih zawk dan tur kan ngaihtuah mek a ni,” a ti bawk.