ATMA in State Level Workshop-cum-Exhibition buatsaih

Directorate of Agriculture (Research & Extension) hnuaia State Nodal Cell, Agricultural Technology Management Agency (ATMA) buatsaih ‘State Level Workshop-cum-Exhibition’ chu nimin khan Synod Conference Centre, Aizawl-ah Agriculture Minister, C. Lalrinsanga’n a hawng.
ATMA State Level Workshop-cum-Exhibition hawngtu Agriculture Minister, C. Lalrinsanga chuan hun reilote chhungin ATMA hmalakna chuan rampum leh Mizoram-ah pawh rah \ha tak a chhuah tawh tih a sawi a. Kuthnathawktute ham\hatna tura sawrkar laipuiin Agency hrang hrang kaltlanga ruahmanna a siamte chu heng Agency hnathawkte leh a kaihhnawih State Department-te chu thawhhona \ha zawk ‘coordinate & converge’ lampangah ngaihtuahna seng se a duh thu a sawi a. Ramdang (foreign)-a a zinchhuah changa Agriculture & Farming lama an hlawhtlinna chhan chu Farmer-te leh sawrkar hnuaia thawk Officials leh mithiam (Technician)-te chu inhrethiamin inthurual takin hna an thawhho \hin vang nia a hriat thu a sawi bawk.
ATMA Workshop hawnna inkhawm ah hian Mizoram puma ATMA hmalakna hrang hrang hlawhtling taka kalpui leh hnathawk \ha thlanchhuahte hnenah lawmman semchhuah niin State Level Best Farmer thlanna ah Sector pahnih ah Serchhip mi in lawmman pakhatna lain Fisheries Sector-ah Hmangaihthanga, Serchhip Zozam Veng leh Sericulture Sector-ah V. Sangluaia, Chhiahtlang Hmar Veng te chu Mizoram puma ti\ha berah thlan an ni a, anni hian lawmman ah Rs. 10,000/- leh thuziak an dawng a. Agriculture Sector-ah Lalchhana, Buhchangphai, Kolasib District; Horticulture Sector-ah Vanlal\hafam-kima, Champhai Vengthlang leh AH&Vety Sector-ah F. Lalrawngbawla, Lungkawlh, Aizawl District ten lawmman pakhatna an la a. District hrang hrang zingah Champhai District chu pakhatna niin Rs. 50,000/- leh Certificate an dawng bawk.

Comments

Popular posts from this blog

PAN CARD an tih teh fo hi - Laldinpuia