He ram hi thlak danglam kan tum - Chief Minister

Chief Minister, Zoramthanga chuan, “Ngaihtuahna chi dang nen he ram hi thlak danglam kan tum a ni,” a ti.
|awi West Block MNF huaihawta nimin a Thingsulthliah Community Hall-a sawrkar thar lawmna leh R. Lalzirliana MLA tlin Silver Jubilee lawmna neih a hmanpuina ah he thu hi sawiin Chief Minister, Zoramthanga chuan sawrkar hmasa in NEDP-a sum an dah ah \ul an tih lemloh a tam thu sawiin, an ngaih pawimawh pawh a inanloh nasat thu leh pawisa an dah duhdan pawh a inanglo nasa hle dawn tih a sawi a. “Mipuite'n neitu thinlung kan put a ngai hle a. Pawisa a thlawna dawn ngawt ni lovin kan thawk ang a, a hlawk ang a, he ram hi ram intodelhah kan siam thei ang,” a ti a. Mipuite eizawnna ngelnghet din pui an tum thu sawiin, “MNF-in kan goal chu Zoram hi mipuite rethei lova an awm theihna tura dinchhuah tir a ni. Thlai chi hrang hrang hmanga eizawnna siamsak bakah Rua project lian kan kalpui dawn a. SEDP kalpui turah hian khua leh veng tinah Society System-in kan kal dawn,” a ti bawk.
He hunah hian |awi bialtu MLA leh P&E Minister, R. Lalzirliana chuan a zawna kum 25 MLA-a thlantlin a nih an lawmpui chu lawmawm a tih thu sawiin, “Chief Minister vision \ha tak nei, hnathawh tak tak tum kan nei a, Minister te'n kan thlawp \hat chuan ram hian nasa takin hma a sawn dawn tih a chiang a, MNF hi term 10 mai ni lo, \hangkhat lian kan sawrkar thei a ni,” a ti a. “Vai pawl hnathawh ai chuan ram neitu hnathawh chu kawng engkimah a \ha tur a ni,” a ti bawk.

Comments

Popular posts from this blog

PAN CARD an tih teh fo hi - Laldinpuia