Bru ten \anpuina pek phut

/
Tripura Bru Relief Camp a awmte chuan a huna buhfai sem tur leh thla thum chhung sumfai \anpuina an dawn tawh loh pe turin sawrkar laipui an ngen.
Tripura Relief Camp 6-a awm Bru ho insuihkhawmna pawl, Mizoram Bru Displaced People's Forum (MBDPF) chuan Union Home Secretary Rajiv Chauba, Ministry of Home Affairs Joint Secretary (North East) Satyendra Garg leh National Human Rights Commission Chairman Justice H.L. Dattu te hnenah tunhnai khan lehkha thawnin an mamawhte an thlen a, he lehkha ah hian thla thum chhung sum fai an dawn tawh loh pek te, nikum October thla a Puja puala an thawmhnaw dawn tur pek leh a thlawna an buhfai dawn \hin a hun taka dawnte an phut thu an tarlang. Hetianga an dawn tur ang an dawn loh avang hian harsatna namen lo an tawk mek niin an sawi a. An thilphut te hi tih hlawhtlin a nih loh chuan lungawilohna lantir chhoh an tum thu an tarlang bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »