Bialtu MLA hovin Serchhip-ah Achievement of MSME Outreach & Support Programme neih a ni

Ministry of Textile hnuaia Development Commissioner for Handlooms Weavers Service Centre buatsaih 'Achievement of MSME Outreach & Support Programme' chu Inrinni khan Serchhip Hmar Veng YMA Hall-ah neih niin bialtu MLA, Lalduhoma chuan khuallian niin a hmanpui.
Serchhip Hmar Veng YMA Hall-a 'Achievement of MSME Outreach & Support Programme' ah hian bialtu MLA, Lalduhoma chuan kuthnathawh/kutthemthiamna hmanga eizawnna ngelnghet neih a pawimawhzia sawiin, heng kutthemthiamna hmanga eizawnna, puantah, La deh (handloom/weaving) te hi Mizo in kan thiam zawng tak, eizawn nan pawha chhenfakawm tak a nih thu a sawi a, India ram mai bakah International Market thleng pawha harsa lo te-a kan chim phak ve theihna kawng tlem te zinga mi a nih thu sawiin, chumi kawnga hmalakna ah Serchhip District pawh India rama District 12 thlanchhuah zingah a tel chu lawmawm a tih thu a sawi a. Handloom leh weaving kawnga Serchhip in tun aia hma a lo sawn theihna turin, tih dan \ha zawk, hma lak dan tur \ha leh kawng hrang hrang te leh, sawrkar a\angin emaw-a \anpuina awm thei ang angte sawi zauna leh sawi fiahna te a nei a; State budget a\anga hmalakna tur pawisa awm thei mai piah lamah, a \ul chuan MLA Fund a\ang pawha a theih anga hma lak dan tur a ngaihtuah tur thu a sawi bawk.
He hunah hian Khual zahawm, Serchhip District MJA President, C. Ramengmawia pawhin thu sawiin Puantah leh La deh lamah hmasawnna tur tam tak kan la neih thu sawiin, kan pi leh pu te kawng lo sahzau sa-ah kal ringawt lovin tihdan thar \ha leh changkang zawk kan zawnchhuah belh zel a \ul thu a sawi a. Special Guest, Manoj Kumar, Weavers’ Service Centre, Agartala a\anga lo pawhin he hunah hian thu a sawi bawk.
Serchhip District Industries Centre-a Functional Manager, Elizabeth Lalremthangi kaihhruai he hunah hian SR. Zonunthara, Regional Director, IGNOU Aizawl te, Ralkhuma, LDM Serchhip leh Lalvensanga, Branch Incharge, NHDC Aizawl te chuan puantah leh a kaihhnawih bakah puantahtute tana ham\hatna awm thei hrang hrangte an zirtir bawk a ni.

Comments

Popular posts from this blog

PAN CARD an tih teh fo hi - Laldinpuia