Wineshop hawn \an a ni

Gauhati High Court in MLPC Act hnuaia Dry Day puan mek a tihtawp hnuah nimin a\ang khan Serchhip-a Zu zawrhna dawr te chu hawn leh \an a ni.
Mizoram Sawrkar in MLPC Act hnuaia Zu zawrh kalpui mek titawpa hun rei tak chhung Zu hralhchhuah phal lohna Ni, ‘Dry Day’ a puan duh lova Zu chhekkhawlna (Bonded Ware-house) neitute leh Zu dawr neitu ten Gauhati High Court Aizawl Bench-a Mizoram sawrkar an khinna ah High Court in Mizoram Excise & Narcotics Deptartment Commissioner-in tun thla ni 14-a thupek siama March ni 15, 2018 thleng Dry Day a puang chu \an chhan bulbal nei lo nia sawia a hnawlsak bakah Sawrkar chu phalna neia Zu chhekkhawltute chu an phalna neihin a huam chinah Zu lakluh leh hralhchhuah phalsak tura a hriattir angin nimin khan Serchhip-a Zu zawrhna dawr te chu hawn \an a ni leh ta a. Serchhip-a Zu dawr neitute chuan tun \um hi kumthar hnua an inhawn hmasak ber a nih avang leh Krismas dawnah an chhekkhawl sa ang ang te an hralhzawh deuh vek avangin Zu hi chhek-khawl sa an nei meuhlo tih an sawi.
Wineshop neitute hian Zu lak belh tura Challan siam turin Bank lam an inpeih loh avangin karleh lamah Challan te siama chah thlen leh theih an beisei thu an sawi a. Nimin a Wineshop hawn a nih avang hian mi engemaw zat in Zu hi an lei leh nghal a, Wineshop neitute chuan tuna an Permit chu March 31, 2019 thlenga nung tur a nih thu sawiin, an Permit hi an renew theih dawn leh dawnloh erawh an la hriatloh thu an sawi.

Comments

Popular posts from this blog

PAN CARD an tih teh fo hi - Laldinpuia