Parking Area siamna tur ruahmanna thar tlangzarh

Lirthei tam lutuk avanga Aizawl khawpui Traffic tawt lutuk tiziaawm tura hmalakna thar, Parking House Support Scheme (PAHOSS) chu nimin khan Chief Minister, Zoramthanga chuan Chief Minister’s Conference Hall-ah a tlang-zarh.
PAHOSS tlangzarhna hunah hian Chief Ministe chuan Aizawl khawpuia Traffic Jam a nasat em em chhan bulpui ber mai chu motor park na hmun \ha a tlem em avang leh motor kawngpui a motor kan park mai \hin avang a ni ber tih sawiin, mipuiin kan mamawh em em chu motor park-na hmun \ha a ni, a ti a. Aizawl khawpui Traffic tawt avanga mipuiin harsatna kan tawk \hin chu sawrkarin a ngaipawimawhin, tiziaawm turin PAHOSS chu rang taka duan a nih thu a sawi a. PAHOSS hnuaiah hian mimal emaw, pawl angin emaw, motor park theihna hmun siam thei (a tlem berah LMV panga tal park theihna) hnenah Sawrkarin \anpuina, motor pakhat zel park-na hmun ruahman turin Rs 1,00,000/- \anpuina pek a nih tur thu a sawi.
PAHOSS kalpui tur hian a tirah Chief Minister kaihhruaina hnuaiah ‘House Parking Committee’ din a ni a, ngun taka ngaihtuahna hman a nih hnuah scheme hi duanchhuah niin, he Scheme hi chak taka kalpui a nih theihna turin Chief Secretary kaihhruaina hnuaiah Executive Committee pawh din a ni a. UD&PA chu Nodal Agency a ni.
Kumin 2018-19 chhung hian he scheme hnuaiah hian motor (LMV) 1000 park theihna tur ruahmanna turin he financial year kal lai mek (2018-19) chhung a hman turin cheng vbc. 10 dah nghal a ni a. Kum lo awm tur 2019-20 Financial year-ah chuan cheng vbc. 100 dah tum a ni ang. PAHOSS hnuaia hmalak duh, hmunhma nei tha te tana a dil theih nghal turin PAHOSS Scheme Guidelines duan nghal a ni a. UD&PA Department lamah application form mumal tak lak nghal mai theih a ni ang.

Comments

Popular posts from this blog

PAN CARD an tih teh fo hi - Laldinpuia