Latest News

MZP-in Rajya Sabha-a CAB 2016 pass a nih loh nan hma la tawk lovah Mizoram sawrkar an puh

Mizo Zirlai Pawl (MZP) chuan The Citizenship (Amendment) Bill, 2016 chu Mizoram sawrkar chuan a vei tawk lo ah an ngaih thu leh Rajya Sabha-a he Bill pass a nih loh nan hma la tawk lovah an ngaih thu an sawi a. Sawrkarin tun thlenga sawihona a la nei miah lo chu mak an ti hle tih an sawi bawk.

Tunhnaia NESO bultuma Citizenship Amendment Bill, 2016 Pass a nih lohna atana Central lam Political party hotu hrang hrang an hmuh chungchanga thuthar thehdarhtute Inrinni-a Aizawl-a MZP Pisa-a an kawmnaah he thu hi sawiin MZP General Hqrs. President, L. Ramdinliana Renthlei chuan, Chief Minister,  Zoramthanga’n Republic Day dawna NGO Co-Ordination Committee-te a ngen angin a hmalakna an lo ngaihchan reng thu a sawi a,  “CAB pass a nih loh nana Republic Day boycott vek tum a nih \um khan,  Chief Minister chuan \anho a ngaih thu leh ballboot buntir ve phawt turin min ngen a. CAB hi Feb. 12, 2019 hian Rajya Sabha-ah pharh tum niin kan lo hria a, mahse heti chunga sawrkar a\anga sawihona emaw, dodalna liantham awm miah lo hi a pawi kan ti hle a, hetiang a nih chuan ballboot buntir hian awmzia a nei dawn lo niin kan ngai a ni,” a ti a. CAB pass a nih chuan Chakma te tan Mizorama awlsam taka awm theihna kawng a in hawng dawn niin a sawi a, hemi avang hian Mizote tan a him lo hle tih sawiin, he Bill pass a nih lohna atana theihtawpa \an lak a ngai niin a sawi a. CAB chungchangah NGO ang chuan an tih tur ang ang an ti zo thawhkhat tawh nia an hriat thu pawh sawiin, sawrkar chet a hun ve tawhah an ngai niin a sawi a, MZP chuan hmalak chhunzawm zel a tum thu leh Mizo mipui zawng zawngte thlawpna leh \awng\aipuina an ngen tih a sawi bawk.
He hunah hian NESO Financial Secretary, Ricky Lalbiakmawia pawhin thusawiin Central lama political party hrang hrang hruaitu an kawmte chu hmarchhak State hrang hrang tan CAB chu a hlauhawm thu te, pass a nih loh nan theihtawpa hmalakpui tura an ngen bakah Parliament House-ah pawh a duhlo lama vote thlak turin an ngen niin a sawi a, party hruaitu hrang hrangte pawhin an thil thlente an lo hriatthiampui thu leh hmarchhak State mipuite duhdan chu an \awmpui thu an lo hrilh tih sawiin, pass a nih loh nan hmalak an tum thu an lo hrilh niin a sawi bawk.
Hetihlai hian political party hrang hrang hotu an hmuhte chu Prime Minister-in a umzui nghal zel tih sawiin Ricky Lalbiakmawia chuan, CAB chu Rajya Sabha-a pass a nih theih nan tunah hian BJP-in theihtawpin \an a khawh niin a sawi a, MP \henkhat pawh lam \anga siam tumin sum hmangin nasa takin an thlem mek nia an hriat thu a sawi a, hemi veng tur hian Delhi lamah NESO hruaitute chu kal leh an tum niin a sawi a. MZP hotute chuan, CAB duhloh lantira hma an laknaah 'Hello China, Bye Bye India' tih auhla-a an hmang chu Central lam pawhin an beng-khawn thu leh an ngai thu tak hle nia an hriat thu an sawi bawk.
MZP hotute chuan, CAB pass a nih loh nana theihtawpa hma an lak laiin tunhnaia sawrkar laipui dawra kal Minister pakhatin NGO-te hmalakna chu atthlak a tih thu Delhi-a MZP hruaitu \henkhat kal te bulah a lo hrilh niin an sawi a, an thu hriat chuan a \hawn thu leh an rilru a tihnat thu an sawi a, Minister hian CAB chu sawrkar laipuiin pass a tum lo tih te, NGO te chu a hunlaia hma la si lova, tlai khaw-hnuah hma la-ah a puh bawk nia sawiin, Mizo mipuite thlaphang taka an awm laia eng vanga CAB pass a ni dawn lo tih hre chunga puang zar lo nge, khawi a\anga a hriat nge tih Mizo mipuite hmaa puang turin an phut tih an sawi bawk.
Hetihlai hian Mizoram in Rajya Sabha a MP a neihchhun, Ronald Sapa Tlau chuan CAB hi Feb. 12-ah Supplementary List a putluh tumna a awm nia an hriat thu sawiin, hei vang hian theihtawp chhuaha hma an lak zel thu a sawi bawk.

Comments

Popular News (Last 30 Days)