Minister in Seri hmun tlawh

Sericulture Minister Dr.K.Beichhua chuan nimin khan Basic Seed Farm, Rangvamual; Sericulture Complex, Zemabawk leh Sericulture Emporium, Chaltlang te tlawhin Department hmalakna te a enfiah.

Dr.K.Beichhua chuan Basic Seed Farm, Rangvamual Office-ah thu sawiin, Pathian in Zofate chenna tur ram \ha tak min pek chu a hausakna tam tak hi haichhuah a la ni lo tih sawiin, Ram dinhmun sik leh sa inthlak ngaihtuahin, ram leilung hausakna \hahnem ngai taka haichhuah chu Sericulture Department tum a ni, a ti a. Chak zawka hmalak a nih theih nan State Budget-ah Sericulture Department mamawh thunluh a nih theih nan hmalak a nih tur thu leh hmalakna a chak theihnan mipui leh Department-a thawkte an pawimawh thu a sawi bawk.

Basic Seed Farm, Rangvamual-ah hian Pure Line (chi fir) khawi reng a ni a, Sericulture Department hnuaia Mulberry Seed Farm 10 leh Private Seed Rearer 15 te khawi tur, Kum khat ah vawi 6 an thar chhuak \hin a. Departmental Seed Farm leh Private Seed Rearer te khawi a\ang hian Farmer te khawi tur (commercial seed) siamchhuah leh \hin a ni. Helai hmunah hian Murberry kung hectare 8-a zauah chin a ni a, Silk pangang khawi tan atanga thla 6 hmalam ah prunning tih \hin a ni.

Sericulture Complex, Zemabawk  hi In-service leh Farmer te training na hmun a ni a. Training hi kumtin vawi 4 neih \hin niin, training Hostel leh Residential Training anga kalpui \hin a ni. Pangang chi, Farmer te khawi tur siamna hmun a awm a, a chi keu thei turin dah vawhna-ah pang-ang tui te hi vawn \hat a ni. Heng bakah hian Reeling Factory (a hlum) awmin, Demonstration Farm pawh a awm bawk a ni.

Tun dinhmunah hian pangang chingtu mi 5700 vel an awm a, silk hi Rs 7000/kg rate a hralh a ni tlangpui bawk.