Khelo India inelna nei dawn

Serchhip District tana Khelo India- Sport for Peace and Development inelna kalpui dan tur chungchang chu nimin khan Serchhip District Bawrhsap, Sangchhin Chinzah hovin a Pisa-ah sawiho a ni.

He \hutkhawm ah hian Bawrhsap, Sangchhin Chinzah chuan he hmalakna in a tum tlangpui sawifiahin Sports chu remna leh hma-sawnna thlen theitu, \hangtharte nun kawng dik zawh tura kaihhruaina hmanrua a nih avangin sawrkar laipui chuan hman \angkai a duh a. Hetiang hi a ruahman ta a ni, a ti a. Serchhip District-ah pawh he Khelo India in a tum te tihlawhtling ngei tura thawhpuiah kalkhawmte a sawm a ni.

Mizoram-a he Competition atana Discipline rawt awmsa te a\angin Football, Volleyball, Badminton, Table Tennis, Boxing leh Hockey te bakah he Meeting-a thlan belh Basketball-ah te Under-16 (Aged Group) inelna chhawng hnih- Block Level leh District Level buatsaih nise tiin Meeting hian ruahmanna a siam a. Block pahnih ten March thla chawhma lamah District Sport Committee nena \angkawpin Village tin tan Block Level inelna (Competition) lo buatsaih phawt se, chuta \anga a thiam thlan-chhuah te chuan District Level inelna hmachhawn leh tura ruahmanna siam a ni.

Block Level inelna ah hian naupang talent nei \ha Discipline tinah pathum zel thlanchhuah an ni ang a, chung mite chu State Level-ah leh National Level thlengin Talent nei \ha bik an nih thu hrilhhriat an ni zui dawn a ni. Block Level-a Competition buatsaih nan hian BDO-ah cheng nuai 2.5 pek ve ve an ni anga, District Level Competition buatsaih nan cheng nuai 5 ruahman a ni bawk anga. District tana sum ruahman hi cheng nuai 10 niin Rs. 7,50,000 dawn a ni tawh a ni.