CCE her danglam hret a ngai dawn; Tun thla chhungin School tan hun ah thuching neih beisei

School Education Minister, Lalchhandama Ralte chuan Continuous and Comprehensive Evaluation (CCE) hman mek chu a kalphung her danglam hret a ngai dawn nia a lan thu a sawi.

Nimin a Federation of Mizoram Govt. School Teachers (FMGST) Conference vawi 1-na Dawrpui Multipurpose Hall-a neih a hmanpuina ah he thu hi sawiin School Education Minister chuan Continuous and Comprehensive Evaluation (CCE) hman mek chu zirtirtu indaih tawkloh vang te, thingtlang kilkhawr leh hmun tam zawkah an \hatpui tawk lo em tih sawihona neih a nih hnuah a kalphung pawh her danglam hret a ngai dawn nia a lan thu a sawi a. FMGST Resolution-ah CCE chungchang hi a tel bawk avangin CCE chungchanga sawrkar hmalakna thlawp turin Minister chuan zirtirtute a sawm a ni. Minister chuan ram, hnam leh Culture milin Academic Session thar a\ang chuan School timing tihdanglam tum a nih thu pawh sawiin, tun thla chhungin sawrkarin thu chiang a neih theih beisei a ni tih a sawi bawk.

Hei bakah hian School Education Minister chuan 6th Pay Commission hnuaia zirtirtute Earned Leave nuai bo tawh chu 7th Pay hman hnuah Earned Leave ni 10 an neih leh tur thu pawh he hunah hian a puang a. Education Department chu sawrkar Department lian berte zinga mi ni siin Education Service Rules pawh nei lo a ni chu thil zahthlak ang reng tak a ni tih pawh sawiin, Transfer Rules mumal neih loh avanga harsatna tam tak awm \hin chungchang pawh tarlangin, Service Rules neih hunah chuan hengte pawh hi chinfel a ni ang a, awmna hmun siksawi a nih pawha dawngsawng thei tura zirtirtu zawng zawng inhawn a \ul dawn tih a sawi bawk.

Federation of Mizoram Govt. School Teachers (FMGST) hi Mizoram sawrkar hnuaia Zirtirtu pawl hrang hrang 8- MPTA, MSTA, MISSTA, MHSHTA, MMSHTA, MWETA, MSSTA leh MIGAHTA te telna niin hetianga zirtirtu pawl hrang hrang ten lungrual taka hma an lakna tur an ruahman chu Minister chuan lawmawm a tih thu a sawi bawk.