Border Trade atan hmalak tum

South Tuipui Assembly Constituency bialtu MLA leh Health Minister, Dr. R. Lalthangliana chuan Socio Economic Development Policy (SEDP) hnuaiah Commerce and Industries Department kaltlangin Thingsai-ah Myanmar nena insum-dawn tawnna Border Trade hmalakna kalpui a nih tur thu a sawi.

South Tuipui bialtu MLA, Dr. R. Lalthangliana hian a bial chhunga khaw hrang hrang fang mekin Thingsai khuaa amah lawmna inkhawm ah Minister chuan Mizorama khaw pawimawh tak mai inkalpawhna kawng a \hat loh avanga tlawhpawh hleihtheih loha a awm chu pawi a tih thu a sawi a. A bial chhung ti hma-sawn turin inkalpawhna kawng \ha tak siam chu hna hmasaa neih a tum thu sawiin, Thingsai khaw panna kawng pahnih - Short cut road leh kawng thar siam\hatna turin cheng nuai 190 ruahman a nih tawh thu leh a siam\hat hna hi kalpui thuai a nih tur thu a sawi.

Socio-Economic Development Policy (SEDP) chungchang pawh sawilangin Minister chuan, he hmalakna in a tum ber chu ei leh bara intodelhna, vantlang nun \ha, mipuite hlimna leh ngelnghetna siam a ni, a ti a. He SEDP hnuaiah Commerce and Industries Department kaltlangin Thingsai-ah Myanmar nena insumdawn tawnna Border Trade hmalakna kalpui a nih tur thu tarlangin, |iau kawng pawh siam a ni dawn a ni, a ti a. Helai hmunah hian Trade Center changtlung tak din tura hmalak a tum thu sawiin, Mizoramin awmze nei zawka Border Trade a kalpui dan tur ngaihtuah turin sawrkar laipui official-te a dawr mek thu a sawi bawk.

Minister chuan Hnahthial District ti puitling ngei turin March thlaa Budget Session-ah ngaihtuah a ni dawn tih pawh sawiin, hei hian Hnahthial leh a chhehvel ah hmasawnna nasa tak a thlen dawn a ni, a ti bawk. South Tuipui bialtu MLA hian Bualpui H, Cherhlun, Nghar-chhip, New Ngharchhip, Tarpho leh Khawhri te tlawhin Vawiin ah a chhunzawm leh ang.