Home Minister in bial fang

Hrangturzo Bialtu MLA leh Home Minister ni bawk, Lalchamliana chuan a bial chhung khaw hrang hrangte fang mekin nimin khan East Lungdar-ah MLA thar lawmna leh Sawrkar thar lawmna hun a hmanpui a.

He hunah hian Home Minister chuan Sawrkar thar leh MLA thar lawmna hun buatsaih a ni chu lawmawm a tih thu leh, ropui taka an lo dawnsawn avangin lawmthu a sawi a. MLA a nih theih nan theihtawpa puitu Pathian chungah leh Party hruaitute bakah amah thlang tlingtu Bial mipuite chungah lawmthu a sawi bawk.

Hrangturzo Bialtu MLA, Lalchamliana chuan Zoramthanga kaihhruai MNF Sawrkar chuan mipui huapzo sawrkar siam an tum dawn tih sawiin, “Thlawhkhum Policy kan ti ve dawn lo. MNF chuan hna a thawk \ha tur a ni a, a hna ah a rinawm tur a ni a; a hna chu tehna ah a tling tur a ni a, Pathian malsawm tlak a ni tur a ni. MNF-in sawrkarna kan siam ruala ka rilrua lo lang chu mipuite'n kan duh zawng tak kan thlan theihna, Democracy hlutzia ka hre nawn thar leh a. Kan ramin remna leh muanna duhawm tak a neih mek hi i chhawmnung zel ang u,” a ti bawk.

Home Minister chuan sawrkarin mipui tana scheme hrang hrang a siamte pawh huapzo tak zelin an thawk dawn tih sawiin, “Kan mi leh sa an nih loh avanga kal kân mai lovin, huapzo sawrkar hnuaiah ram hmasawn nan hna kan thawk zel ang. Bial chhung leh ram hmasawnna tur tak taka hnathawh kan tum avangin dik tak leh rinawm taka hna kan thawh zel theih nana min \awng\ai sak \hin turin ka sawm che u a ni,” a ti.

Home Minister, Lalchamliana hian hemi hma, niminpiah khan a bial chhunga Biate khua tlawhin khawtlang huapin lo hmuah a ni a, Biate khawtlang hian Zialung Community Hall-ah bialtu MLA thar lawmna buatsaihin, East Lungdar leh Biate inkar kawng siam nan cheng nuai 200 an ruahman thu a sawi bawk.