Serchhip-ah District Level Planning chungchang inhrilhhriatna leh zirhona neih a ni

Nimin khan Serchhip DC’s Conference Hall-ah Planning & Programme Implementation Department buatsaihin District Level Planning chungchang inhrilhhriatna leh zirhona (sensitization workshop) hun neih a ni.

Serchhip District Addl. DC, Chuauhnuna kaihhruai he hunah hian Economic & Statistic Department-a Director, Lalchhuanawma Hrahsel chuan hetiang hun an buatsaih chhan sawifiah hmasain; UNO kaihhruaina hnuaiah Sustainable Development Goals-2030 mumal tak siam niin chu Goals pawmtute zingah chuan India sawrkar pawh a tel a. Sawrkar hmalakna tinreng ten he Goals hawi zawnga ruahmanna a siam a \ul avangin sawrkar laipui chuan a ngai pawimawh hle a. Mizoram sawrkar pawhin hemi chungchang inhrilhhriatna hi tunah hian District tinah kan buatsaih chho ve mek a ni, a ti a. Sustainable Development Goals-ah hian Goals 17 awmin hemi hnuaiah hian targe 169 a awm thu pawh sawiin, he hmalakna atan hian sawrkar laipui-ah NITI Aayog chu Nodal Department niin State-ah chuan Planning Department chu Nodal Department a nih thu a sawi a, Sustainable Development Goals ti puitling tur hian District Level-ah chuan District Planning Committee din a \ul thu leh chumi atan chuan he hun hi \angkai taka hman a pawimawh thu a sawi bawk.

Vawiin a he Worlshop-ah hian Sustainable Development Goals (SDG) tih thupui hmangin Lalrinliana, Economist chuan zirtirna a pe a, Lalchhuanawma Hrahsel, Director, Economic & Statistics in District Planning Committee chungchang zirtirna pein Lalthlamuana, DRO, Aizawl in Developing Database in the Statistical Cell of Line Department chungchang a sawifiah a, C. Vanlalengkima, Scientist, Science & Technology chuan Remote sensing leh GIS chungchang zirtirna a pe bawk a ni.

Mithiam ten thusawina hun an hman zawh hian kalkhawm ten zawh duh an neih te zawhna hun leh sawihona hun te neih chhunzawm a ni a. Lalthangmawia, Inspector, DRO, Serchhip in lawmthu sawina neiin hun a khar a ni. District Level Plan chungchang inzirtirna hunah hian District Officers te, Village Council Members te leh chanchinbumite an tel a ni.