CAB chungchangah NESO in hma la zel

MZP telna, North East Students’ Organisation (NESO) chuan Citizenship Amendment Bill (CAB) pass a nih lohna tura hmalakna kal zelah nimin khan Shiv Sena hotu, Uddhav Thackeray leh a Fapa Aditya Thackeray te chu Mumbai-a an chenna In ah an hmu.

NESO hruaitute hian New Delhi-a Political Party hruaitu hrang hrang te an hmuh zawh hnuah nimin khan Shiv Sena hruaitute hi an chenna, Matoshree (Mumbai)-ah hmuin CAB 2016 in North East ram leilung fate ah nghawng na tak a awm tur thu te hrilhin, CAB 2016 dona kawnga hma lakpui ah an sawm a. Uddhav Thackeray chuan CAB chu an duhlo tih sawiin, Shiv Sena chu North East mipuite lamah a ding tlat tih a sawi a, CAB chu theihtawp chhuaha a dopui tur thu a sawi a. “India ram chu India mite ta tur a ni,” tiin “Rampawn mi Hindu an lalut duh anih pawhin Dan diklo a lut zawng zawng hi hnawtchhuak vek hmasa rawh se,” a ti a. Rajya Sabha-a Vote lak a \ul hunah pha mai lova Vote hmanga Bill dodal tura an ngenna pawh an tih hlawhtlin tur thu a sawi bawk.