YMA Rorel Inkhawm nei dawn

Serchhip Sub-Hqrs. YMA chuan YMA Conference neihloh kuma an neih \hin, Sub-Hqrs. YMA Rorel Inkhawm chu April 5, 2019 khian neih nise an ti.

Serchhip Sub-Hqrs. YMA hian Inrinni khan Entlang-a YMA Social Forestry-ah SEC \hutkhawm vawi 100-na neiin hemi chung-chang hi an ngaihtuah a. An President, R. Sanghmingthanga kaihhruaia SEC Meeting hian YMA Sub-Hqrs. Conference neihloh kuma Rorel inkhawm neih tur hi April 5, 2019 khian neih nise tiin a thleng duh te tan tun thla chhung dilna thehluh theih nise an ti a. He Rorel Inkhawm neih tur atan hian Programme Committee pawh Sub-Hqrs. Vice President, Lalzuiliana kaih-hruaina hnuaiah din nghalin Rorel Inkhawm a ngaihtuah tura Agenda thehluh duh nei te tan March 15, 2019 ralhmain thehluh nise an ti a, heng Agenda thehluh te thlifim tur hian March 21, 2019-ah Sub-Hqrs. Co-Ordination Committee (SCC) \hutkhawm neih leh nise an ti bawk.

Hei bakah hian SEC \hukhawm hian kumin atana Sub-Hqrs. YMA hnuaia Committee hrang hrang ten Treasurer tur leh Member tura an ruat te chu an pawmpui a, Committee peng hrang hrang ten an hmalakna an thlen te pawh pawmin, Chapchar Kut hmanna tura ruahmanna lo siam tawh te pawh pawm a ni bawk.