Adviser to Chief Minister in Serchhip-a sawrkar Department hrang hrang hotute a kawm

Adviser to Chief Minister, C. Lalramzauva, Sr. Advocate chuan nimin khan Serchhip rawn tlawhin Serchhip-a Department hrang hrang hotute a kawm bakah Leisekawt Mual zauh dan tur enin Govt. Serchhip College a tlawh bawk.

Nimin a Adviser to Chief Minister in New Serchhip Hill View Hotel-a Serchhip District Officer te a kawmna ah hian District Office hrang hrang te dinhmun leh an mamawhte a ngaihthlak sak a. He inkawmnaah hian C. Lalramzauva chuan, Serchhip District in kawng hrang hranga hma a sawn chhoh zel theih nan Department hrang hrang te hmalak dan te, tun dinhmuna an harsatna leh mamawh te hriatpuia, a theihna apianga lo \anpui a inhuam thu a sawi a. Officers te chu ramin hma a sawn theihna atana a taka hnathawktu, sawrkar kutke pawimawh tak an nih avangin an hnathawh tinrengah theihtawp chhuah \hin turin a chah a ni. Adviser to Chief Minister in Serchhip a sawrkar Office hrang hrang vawngtu Officer te a kawmna ah hian Serchhip Bawrhsap, Sangchhin Chinzah; SP R. Sathyiasundaram; Addl. DC, Chuauhnuna te leh Department Officers te an kal \ha hle a ni.

Adviser to Chief Minister, C.Lalramzauva hian nimin chawhma lam khan kum 2020-a Serchhip in K|P General Conference a dawn huna Pandal sakna tura ruahman, Leisekawt Mual chu tlawhin zauh dan tur a enfiah a. Adviser to Chief Minister hi K|P General Conference Organising Committee, BDO Staff-te leh khawtlang hruaitu ten lo dawngsawngin, BDO Staff-te chuan an ram chu ui hle mah se, khawtlang tan a nih piah lamah thuneitu sang zawk ten an rem tih a, inremsiamna a awm chuan an ui theih loh thu an sawi a. Adviser to Chief Minister chuan a hmunhma a fel phawt chuan sum lamah harsatna a awm dawn lo nia Chief Minister-in a sawi thu sawiin, thuneitu sang zawkte nen chinfel a la nih tur thu a sawi a. Serchhip khawpui chhunga Leimin \hin, Chhim Veng, Tuikhuah Veng leh Hmar Veng amite chu mithiam ten zirchianga hmalak dan tur an ruahman thu a sawi bawk.

Hemi hnu hian Adviser to Chief Minister, C. Lalramzauva hian Govt. Serchhip College hmunhma tlawh lehnghalin, thawktu ten College mamawh hrang hrang an lo thlente chu lo bawhzui a tum thu a sawi a. Khawtetlang panna, Govt. Serchhip College ram paltlanga vantlang kawngpui kal mek sawnna tura kawngpui laihna tura ruahman chu a en nghal bawk a. Revenue Department-a Surveyor-te tirin kawngpui sawnna tur chu lo enfiah turin a ti bawk. Nimin a he hmun a tlawhna ah hian District Bawrhsap, Sangchhin Chinzah bakah Govt.College thawktu ten an \awiawm a ni.